Ապրիլ 2-ին, արեւմտահայ նշանաւոր արձակագիր Մկրտիչ Մարկոսեանի յիշատակին նուիրուած ձեռնարկ մը կազմակերպուած է իր ծննդավայր Տիգրանակերտի առեւտուրի եւ արդիւնաբերութեան պալատին մէջ, մահուան առաջին տարելիցին առիթով։
Տիգրանակերտի մշակոյթի եւ փոխօգնութեան հիմնադրամին կողմէ կազմակերպուած միջոցառման հիմնական բանախօսները եղած են՝ Շեհմուս Տիքեն, Ուտի Երուանդ, Յովհաննէս Կաֆուր Օհանեան և Ահմետ Չաքմաք։
Ելոյթ ունեցած է նաև Առեւտրի եւ արդիւնաբերութեան պալատի նախագահ Մեհմետ Քայա, որ մասնաւորապէս անդրադարձած է Մարկոսեանի՝ հայրենի Տիգրանակերտի հանդէպ տածած սիրոյն, որ բանախօսի յիշեցումով արտացոլուած է նաեւ անոր գրական երկերուն մէջ։
Միւս բանախօսներն ալ պատմած են Մարկոսեանի հետ կապուած իրենց յուշերն ու տպաւորութիւնները։
Աւարտին հայ երաժիշտ Ուտի Երուանդի կատարողութեամբ կարճատեւ համերգ մը ներկայացուած է հանդիսատեսին։
