Բանակի օրուան իր ուղերձին մէջ, Փաշինեան կրկին քննադատած է ՀԱՊԿ-ն 

«Ակնյայտ էր, որ մեր պետականութիւնը վերացնելու որոշում առնուած էր»

«Վերջին տա­րինե­րուն հսկա­յական ներդրումներ եւ բա­րեփո­խումներ կա­տարուած են Հա­յաս­տա­նի բա­նակին մէջ, ձեռք բե­րուած է մեծ քա­նակու­թեամբ ար­դիական սպա­ռազի­նու­թիւն եւ ռազ­մա­կան սար­քեր, այնպի­սի որա­կի եւ չա­փանի­շերու, որ մեր բա­նակը եր­բեք չէ ու­նե­ցած»։ Այս մա­սին յայ­տա­րարած է վար­չա­պետ Նի­կոլ Փա­շինեան՝ Հա­յաս­տա­նի Զի­նուած ու­ժե­րու կազ­մա­ւոր­ման 34-րդ տա­րեդար­ձին առ­թիւ յղած շնոր­հա­ւորա­կան ու­ղերձին մէջ։

«Ասոր հա­մար ծախ­սուած են նիւ­թա­կան մեծ մի­ջոց­ներ, որով­հե­տեւ ձեռք բե­րուած սպա­ռազի­նու­թիւնը թան­կարժէք է եւ մե­ծաքա­նակ»,– նշած է վար­չա­պետը՝ աւելցնե­լով. «Բայց նաեւ պէտք է պա­տաս­խան տրուի շատ կա­րեւոր հար­ցումի մը. իսկ ին­չո՞ւ նոյ­նը չէ կա­տարուած 2018, 2019, 2020, 2021, 2022 թուական­նե­րուն»։

«Սպա­ռազի­նու­թեան եւ ռազ­մա­կան այլ սար­քե­րու վա­ճառ­քի կա­րողա­կանու­թիւն ու­նե­ցող մի­ջազ­գա­յին մեր գրե­թէ բո­լոր գոր­ծընկեր­նե­րը քա­ղաքա­վարու­թեամբ կը մեր­ժէին զէնք վա­ճառել Հա­յաս­տա­նի Հան­րա­պետու­թեան՝ եր­կու հիմ­նա­կան պատ­ճա­ռաբա­նու­թեամբ.

 1. Վստահ չէին, որ այդ զէն­քը պի­տի չտե­ղակա­յուէր Հա­յաս­տա­նի մի­ջազ­գայնօ­րէն ճանչցուած տա­րած­քէն դուրս։

 2. Վստահ չէին, որ այդ զէն­քե­րուն գաղտնի տուեալ­նե­րը հա­սանե­լի պի­տի չդառ­նա­յին ՀԱՊԿ-ին, որուն Հա­յաս­տա­նի ան­դա­մակ­ցութիւ­նը նոյնպէս խո­չըն­դոտ էր նման գոր­ծարքներ կնքե­լու հա­մար։

Իսկ ՀԱՊԿ-ի գոր­ծընկեր­նե­րը, 2022 Սեպ­տեմբե­րի դրու­թեամբ, կը մեր­ժէին կա­տարել Հա­յաս­տա­նի անվտան­գութիւնն ու հո­ղային ամ­բողջա­կանու­թիւնը երաշ­խա­ւորե­լու՝ մե­զի հան­դէպ ու­նե­ցած պայ­մա­նագ­րա­յին պար­տա­ւորու­թիւննե­րը։ Կը մեր­ժէին նաեւ մա­տակա­րարել հա­րիւրմի­լիոնա­ւոր տո­լարի սպա­ռազի­նու­թիւն եւ այլ սար­քեր, որոնց հա­մար վճա­րումնե­րը Հա­յաս­տա­նի Հան­րա­պետու­թիւնը ար­դէն կա­տարած էր»,– ըսած է ան։

«Սա գո­յու­թե­նական սպառ­նա­լիք էր Հա­յաս­տա­նի Հան­րա­պետու­թեան հա­մար եւ ակնյայտ էր, որ մեր պե­տակա­նու­թիւնը վե­րաց­նե­լու, մեր ինքնիշ­խա­նու­թիւնը զե­րոյաց­նե­լու որո­շում կա­յացուած է»,– պնդած է Նի­կոլ Փա­շինեան, շա­րու­նա­կելով. «Այս օր­հա­սական վտան­գը յաղ­թա­հարուեցաւ եր­կու վճռա­կան իրա­դար­ձութիւննե­րու շնոր­հիւ. 2022 Հոկ­տեմբեր 6-ին Փրա­կայի մէջ քա­ռակողմ ձե­ւաչա­փով ձեռք բե­րուած քա­ղաքա­կան պայ­մա­նաւո­րուա­ծու­թեան, ըստ որուն՝ Հա­յաս­տա­նի Հան­րա­պետու­թիւնն ու Ազեր­պայճա­նի Հան­րա­պետու­թիւնը կը ճանչնան մէկզմէ­կու հո­ղային ամ­բողջա­կանու­թիւնն ու ինքնիշ­խա­նու­թիւնը 1991-ի Ալ­մա-Աթա­յի հռչա­կագի­րին հի­ման վրայ, եւ ՀԱՊԿ-ին՝ Հա­յաս­տա­նի ան­դա­մակ­ցութեան սա­ռեց­ման։ Այս ռազ­մա­վարու­թիւնը մենք հե­տեւո­ղակա­նօրէն պի­տի շա­րու­նա­կենք»։