Մոսկուայի ազերպայճանական համայնքի ղեկավարը արտաքսուած է Ռուսաստանէն
Մոսկուայի ազերպայճանական սփիւռքի ղեկավար Պախթիար Հասանովը արտաքսուած է Ռուսաստանէն։ Այս մասին կը հաղորդէ ազերպայճանական «APA» լրատու գործակալութիւնը։
Աղբիւրին համաձայն՝ Հասանովը ներգաղթեալներու ժամանակաւոր պահման կեդրոնէն,– ուր ան որոշ ժամանակ է արգելափակուած էր,– տեղափոխուած է օդակայան եւ արտաքսուած՝ Ռուսաստանէն։
Գործակալութիւնը կը յիշեցնէ նաեւ, որ Հասանովի Ռուսաստանի քաղաքացիութիւնը չեղեալ յայտարարուած էր անցեալ տարի, իսկ այս տարուան Յունիսին ան ձերբակալուելով փոխադրուած էր վերոնշեալ պահման կեդրոնը։
