Լոս Անճըլըսի մէջ Ապրիլ 2026-ը հռչակուած է Հայոց պատմութեան ամիս

Լոս Անճըլըս շրջանի Վերահսկիչներու խորհուրդը միաձայնութեամբ վաւերացուցած է բանաձեւ մը, որով 2026-ի Ապրիլը, տասներորդ տարին ըլլալով անընդմէջ, կը հռչակուի Հայոց պատմութեան ամիս։ Խորհուրդի անդամներ Քեթրին Պարկըրի եւ Ճենիս Հանի կողմէ առաջարկուած այս նախաձեռնութիւնը նաեւ կ՚ոգեկոչէ Հայոց ցեղասպանութեան 111-րդ տարելիցը։

Բանաձեւը կ՚ընդգծէ 1915-ի իրադարձութիւնները յիշելու եւ զոհերու յիշատակը վերապրեցնելու կարեւորութիւնը։

Փաստաթուղթը կը յիշատակէ նաեւ հայ սփիւռքին ներդրումը շրջանէն ներս զանազան մարզերու մէջ՝ բժշկութենէն եւ գիտութենէն մինչեւ գործարարութիւն եւ արուեստներ։ Խորհուրդի նախագահ Քեթրին Պարկըր նշած է, որ իր ներկայացուցած շրջանին մէջ կը բնակի Միացեալ Նահանգներու մեծագոյն հայկական համայնքը։ Ապրիլ 28-ին կայանալիք խորհուրդի պաշտօնական նիստին նախատեսուած է յատուկ մեծարանքի ընծայել հայ համայնքի ականաւոր ներկայացուցիչներուն։