Կալուզին. «Ռուսաստան մտադիր չէ վճարել եւրոպական համարկման ուղղութեամբ Հայաստանի ձեռնարկած քայլերուն համար»

Հայաս­տա­նի՝ դէ­պի Արեւ­մուտք հա­կող ար­տա­քին քա­ղաքա­կանու­թիւնը սան­ձե­լու եւ պատ­ժե­լու գոր­ծընթա­ցը Մոս­կուայի մէջ վե­րածուած է հա­մակար­գուած դի­ւանա­գիտա­կան ար­շա­ւի մը, որուն յա­ռաջա­պահի դե­րը, ըստ երե­ւոյ­թին, յատ­կա­ցուած է Ռու­սաստա­նի Ար­տա­քին գոր­ծոց փոխ­նա­խարար Մի­խայիլ Կա­լու­զի­նին։

Ար­դա­րեւ, թէեւ ռու­սա­կան քա­ղաքա­կան վեր­նա­խաւին մէջ քիչ չեն Հա­յաս­տա­նի հաս­ցէին հա­զիւ թէ քօ­ղար­կուած կամ բա­ցայայտ սպառ­նա­լիքի նե­տեր ար­ձա­կող պաշ­տօ­նատար­նե­րը, սա­կայն Կա­լու­զին այս «բնա­գաւա­ռին» մէջ աչք կը շլաց­նէ իր իւ­րա­յատուկ աշ­խուժու­թեամբ եւ ան­նա­հանջ հե­տեւո­ղակա­նու­թեամբ։ Ան, փաս­տօ­րէն, ստանձնած է Քրեմ­լի­նի դժգո­հու­թեան գլխա­ւոր խօ­սափո­ղի պաշ­տօ­նը՝ պար­բե­րաբար հնչեց­նե­լով կոշտ յայ­տա­րարու­թիւններ, որոնք կը մի­տին հո­գեբա­նական ու քա­ղաքա­կան ծանր ճնշում բա­նեց­նել Երե­ւանի վրայ։

Այսպէս, Ս. Փեթերսպուրկի միջազգային տնտեսական համաժողովի շրջանակին մէջ, Կա­լու­զին յայ­տա­րարած է, թէ Ռու­սաստան մտա­դիր չէ վճա­րել եւ­րո­պական հա­մարկման ուղղու­թեամբ Հա­յաս­տա­նի առած քայ­լե­րուն հա­մար։

“Այն հար­ցադրու­մը, թէ ո՛ւր կ՚ըն­թա­նայ Հա­յաս­տան եւ որո՛ւն հետ պի­տի շա­րու­նա­կէ կա­ռու­ցել իր քա­ղաքա­կան ու պե­տական ապա­գան, լիովին ար­դար է։ Սա­կայն մենք չենք պատ­րաստուիր թոյ­լատրել, որ Եւ­րա­սիական տնտե­սական միու­թեան (ԵԱՏՄ) ան­դա­մակ­ցութե­նէն Հա­յաս­տա­նի քա­ղած ան­հերքե­լի առա­ւելու­թիւններն ու ար­տօ­նու­թիւննե­րը օգ­տա­գոր­ծուին՝ դէ­պի Եւ­րո­պական Միու­թիւն անոր ծախ­սե­րը գո­ցելու հա­մար”,– «ԹԱՍՍ» լրա­տու գոր­ծա­կալու­թեան յայտնած է ռուս փոխ­նա­խարա­րը։

Նշենք, որ Ռու­սաստան ամե­նաբարձր մա­կար­դա­կով կը յոր­դո­րէ Հա­յաս­տա­նը՝ արա­գօրէն կողմնո­րոշուելու Եւ­րո­պական Միու­թեան եւ ԵԱՏՄ-ի մի­ջեւ, նոյ­նիսկ առա­ջար­կե­լով այս հար­ցով հան­րա­քուէ կազմա­կեր­պել։ Աս­թա­նայի վե­հաժո­ղովի ըն­թացքին հնչած հա­մապա­տաս­խան այս կո­չին միացած էին նաեւ Պե­լառու­սը, Ղա­զախստանն ու Քիր­կիզստա­նը։

Միւս կող­մէն՝ Երե­ւան կը շա­րու­նա­կէ պնդել, թէ ԵԱՏՄ-ն լքե­լու որե­ւէ մտադ­րութիւն չու­նի եւ յար­գանքով կը վե­րաբե­րի Մոս­կուայի շա­հերուն։

«Ռուսաստան պիտի մասնակցի Ղարաբաղի մէջ ընկերային բնոյթի ծրագրերու իրագործման»

Վերոն­շեալ հա­մաժո­ղովի ծի­րէն ներս տե­ղի ու­նե­ցած «Ռու­սաստան-Ազեր­պայճան» նիս­տի ըն­թացքին ալ Կա­լու­զին, երե­ւու­թա­պէս փոր­ձե­լով միաժա­մանակ Հա­յաս­տա­նի նա­խան­ձը շար­ժել ու զայ­րոյթը գրգռել, յայ­տա­րարած է, որ իր եր­կի­րը պատ­րաստա­կամ է մաս­նակցե­լու Ղա­րաբա­ղի մէջ ըն­կե­րային բնոյ­թի ծրագ­րե­րու իրա­գործման։

Ըստ ռուս փոխ­նա­խարա­րին՝ ներ­կա­յիս Ռու­սաստա­նի աջակ­ցութեամբ արդէն կ՚իրագործուի ման­կա­պար­տէ­զի մը կա­ռուցման ծրա­գիրը։

Ան նաեւ նշած է, որ կ՚աճի ռուս գոր­ծա­րար­նե­րուն հե­տաքրքրու­թիւնը տա­րածաշրջա­նին մէջ գոր­ծա­րար ծրագ­րե­րու իրա­գործման նկատ­մամբ։ Ըստ անոր՝ սա լաւ հիմք կը ստեղ­ծէ ապա­գային ռու­սա­կան եւ ազեր­պայճա­նական ըն­կե­րու­թիւննե­րու մի­ջեւ գոր­ծա­րար կա­պերու ամ­րապնդման համար։ ■