Ալիեւ եւ Հերցոկ քննարկած են երկկողմ յարաբերութիւններն ու տարածաշրջանային հարցերը

Ազերպայճանի նախագահ Իլհամ Ալիեւ Հոկտեմբեր 14-ին Պաքուի մէջ ընդունած է Իսրայէլի նախագահ Իսահակ Հերցոկը։

Հանդիպման ընթացքին Հերցոկ ողջունած է Ասիոյ մէջ գործակցութեան եւ վստահութեան ամրապնդման միջոցներու խորհրդաժողովի (CICA) նախագահութիւնը մինչեւ 2028 Ազերպայճանին վստահելու որոշումը՝ այդ քայլը նկատելով երկրին հանդէպ ցուցաբերուած բարձր վստահութեան արտայայտութիւն։

Իսրայէլի նախագահը նաեւ բարձր գնահատած է կազմակերպութեան ծիրէն ներս գործակցութիւնը ընդլայնելու եւ փոխադարձ վստահութիւնը ամրապնդելու ուղղութեամբ Պաքուի կատարած աշխատանքը։

Ալիեւ, իր կարգին, շնորհակալութիւն յայտնած է եւ հաւաստած, որ Ազերպայճան պիտի շարունակէ կազմակերպութեան անդամ երկիրներուն միջեւ գործակցութեան սերտացման ուղղուած իր ջանքերը։

Երկու նախագահները քննարկած են նաեւ ազերպայճանա-իսրայէլեան յարաբերութիւնները, ինչպէս նաեւ միջազգային եւ տարածաշրջանային օրակարգի հարցեր։