Վենետիկի Մխիթարեան միաբանութեան ձեռագրերու վերականգնման աշխատանքները կը շարունակուին

mail.google-2

Մատենադարանի վերականգնման գլխաւոր մասնագէտներ Արտաւազդ Այվազեան եւ Արթուր Պետրոսեան ժամանած են Վենետիկի Ս. Ղազար կղզի՝ ձեռագրերու հաւաքածոներուն պահպանման վիճակի ստուգման աշխատանքներուն երկրորդ փուլը իրականացնելու համար։

2025 12 14 IMG 20251117 WA0004.jpg

Մասնագէտները նախ կ՚ուսումնասիրեն ձեռագրերուն պահպանման վիճակը, կը ճշդեն անոնց սպառնացող հաւանական վտանգները եւ կ՚որոշեն առաջնահերթ վերականգնողական աշխատանքները, զորս կարելիութեան սահմաններուն մէջ կը կատարեն տեղւոյն վրայ։ Զուգահեռաբար, կը հաւաքեն անհրաժեշտ արհեստագիտական տուեալները՝ հետագայ աշխատանքներու եւ գործակցութեան ծրագրերու մշակման համար։

Մատենադարանին եւ Վենետիկի Մխիթարեան հայրերու միաբանութեան միջեւ հաստատուած ռազմավարական գործակցութեան ծիրէն ներս, վերականգնող մասնագէտներուն առաջին այցելութիւնը Ս. Ղազար կղզի տեղի ունեցած էր 2026 Յուլիսին։

Այս նախաձեռնութիւնը մաս կը կազմէ Մատենադարանի երկարաժամկէտ ռազմավարութեան, որուն նպատակն է աջակցիլ աշխարհի տարբեր երկիրներու մէջ գործող հայկական կրօնական կեդրոններուն եւ ձեռագրեր պահող հաստատութիւններուն՝ գրաւոր ժառանգութեան պահպանման, վերականգնման եւ թուայնացման, ինչպէս նաեւ մասնագիտական կարողութիւններու զարգացման մարզերուն մէջ։

Աշխատանքները կ՚իրականացուին Մատենադարանի տնօրէնի լիազօր ներկայացուցիչ Յովհաննէս Առաքելեանի, Վենետիկի մէջ Հայաստանի Հանրապետութեան պատուոյ հիւպատոս Գագիկ Սարուխանեանի եւ «Zover Construction» ընկերութեան հիմնադիր Արա Աւետիսեանի գործուն աջակցութեամբ։

mail.google 1 1
mail.google 3
San Lazzaro degli Armeni manuscripts
Soutenez NH