ԱՄՆ-ու Ներ­կա­յացու­ցիչնե­րու պա­լատը ըն­դունած է գոնկրէ­սական­ներ Թո­նի Գար­տե­նասի, Էտըմ Շի­ֆի եւ Պրետ Շեր­մը­նի հե­ղինա­կած օրէնսդրա­կան նա­խագի­ծը, որով Ազէր­պայճա­նէն կը պա­հան­ջուի ան­յա­պաղ ազատ ար­ձա­կել բո­լոր հայ գե­րինե­րը եւ քննար­կել Պա­քուի պա­տերազ­մա­կան յան­ցա­գոր­ծութիւննե­րը:

Գոնկրէ­սի կայ­քին վրայ հրա­պարա­կուած փաս­տա­թուղթին մէջ, մաս­նա­ւորա­պէս շեշ­տուած է, թէ 2020 Սեպ­տեմբեր 27-ին, Ազէր­պայճան եւ Թուրքիա՝ օտա­րերկրեայ զի­նուած խմբա­ւորումնե­րու աջակ­ցութեամբ, ռազ­մա­կան յար­ձակման նա­խաձեռ­նե­ցին Լեռ­նա­յին Ղա­րաբա­ղի դէմ,- որ նաեւ յայտնի է Ար­ցախ անու­նով,- յան­գեցնե­լով հա­զարա­ւոր մար­դոց մա­հուան եւ տաս­նեակ հա­զարա­ւոր բնիկ Հա­յերու տե­ղահան­ման:

Փաս­տա­թուղթին մէջ յատ­կա­պէս ընդգծուած է, թէ Ժընեւի եր­րորդ հա­մաձայ­նա­գիրը ստո­րագ­րած Ազէր­պայճան եւ մի­ջազ­գա­յին իրա­ւունքը կը պա­հան­ջեն ազատ ար­ձա­կել ռազ­մա­գերի­ներն ու գե­րեվա­րուած խա­ղաղ բնա­կիչ­նե­րը եւ մարդկա­յին վե­րաբե­րում ցու­ցա­բերել բո­լոր գե­րինե­րու նկատ­մամբ։

«Հա­կամար­տութեան աւար­տէն եր­կար ժա­մանակ ետք, Ազէր­պայճա­նի կա­ռավա­րու­թիւնը կը շա­րու­նա­կէ պա­հել աւե­լի քան 200 հայ ռազ­մա­գերի­ներ, բան­տարկուած ան­ձեր, սխալ ձեւով ներ­կա­յաց­նե­լով անոնց կար­գա­վիճա­կը, ար­դա­րաց­նե­լով վեր­ջիններս գե­րու­թեան մէջ պա­հելը»,- գրուած է Ներ­կա­յացու­ցիչնե­րու պա­լատի կայ­քին վրայ։

Փաս­տա­թուղթին մէջ նշուած է նաեւ հե­տեւեալը.-

«Այս օրէն­քին ի զօ­րու դառ­նա­լէն ոչ ուշ քան 180 օր ետք Պաշտպա­նու­թեան նա­խարա­րը, Ար­տա­քին գոր­ծոց նա­խարա­րին հետ խորհրդակ­ցե­լով՝ Գոնկրէ­սի հա­մապա­տաս­խան յանձնա­ժողով­նե­րուն պէտք է զե­կոյց ներ­կա­յաց­նէ՝ Ազէր­պայճա­նի գոր­ծադրած պա­տերազ­մա­կան յան­ցա­գոր­ծութիւննե­րուն վե­րաբե­րեալ»։

Նա­խագի­ծը կը պա­հան­ջէ հե­տաքննու­թիւն կա­տարել անօ­դաչու սար­քե­րուն՝ Պայ­րաքթար­նե­րուն մէջ ամե­րիկեան ար­հեստա­գիտու­թեան օգ­տա­գործման հար­ցով: Յատ­կա­պէս ընդգծուած է Ազէր­պայճա­նի կող­մէ սպի­տակ ֆոս­ֆոր, բե­կորա­յին ռումբեր եւ ար­գի­լուած այլ զի­նամ­թերք օգ­տա­գոր­ծե­լու հան­գա­մանքը: ■