Իրան կը սպառնայ ոչնչացնել Պարսից ծոցին մէջ գտնուող ամերիկեան շահերը

Իրանի Գերագոյն ազգային անվտանգութեան խորհուրդի քարտուղար Մոհսէն Ռեզայի Press TV-ին տուած հարցազրոյցին սպառնացած է, որ Ուաշինկթընի հետ պատերազմի վերսկսման պարագային, Թեհրան պիտի թիրախաւորէ Պարսից ծոցի տարածաշրջանին մէջ տեղակայուած ամերիկեան տուեալներու կեդրոնները, մալուխներն ու արհեստական բանականութեան ենթակառոյցները։

Ռեզայիի համաձայն՝ Արաբական Միացեալ Էմիրութիւններու (ԱՄԷ) եւ Հորմուզի նեղուցին շուրջ գտնուող այս ակտիւները, որոնք կը գնահատուին աւելի քան 2 թրիլիոն տոլար, «ամերիկեան տնտեսութեան զարկերակն են»։ Իրանցի պաշտօնատարը նաեւ մեղադրած է ԱՄՆ-ու զինուած ուժերու Կեդրոնական հրամանատարութիւնը (CENTCOM) եւ նախագահ Թրամփը՝ ԱՄԷ-ի աջակցութեամբ Հորմուզի նեղուցով նաւթի ապօրինի փոխադրումներ կազմակերպելով՝ աւելցնելով, որ Թեհրան լիովին պատրաստ է ռազմական աւելի լայնածաւալ պատասխան տալու։