Մշակոյթի նախկին նախարար Յասմիկ Պօղոսեան դատապարտուած է, սակայն համաներումով ազատ արձակուած

Հայաստանի Մշակոյթի նախկին նախարար (2012-2016) Յասմիկ Պօղոսեան դատապարտուած  4 տարի եւ 6 ամիս բանտարկութեան։ Հակակոռուպցիոն (Եղծանման դէմ պայքարի) դատարանը զինք մեղաւոր ճանչցած է պաշտօնի չարաշահման եւ պետական գոյքի («Չայքովսքի» դպրոցի տարածքէն հատուածի մը) իւրացման օժանդակելուն համար։

Այնուամենայնիւ, դատական վճիռը օրինական ուժի մէջ մտնելուն զուգահեռ, անոր նկատմամբ կիրարկուած է 2018-ի համաներման օրէնքը, որուն շնորհիւ նախկին նախարարը ազատուած է պատիժը կրելէ։