Ֆրանսախօս շարժանկարի 9-րդ փառատօնը Երեւանի մէջ

Մարտ 14-էն մինչեւ 22 տեղի կ’ունենայ Ֆրանսախօս շարժանկարի 9-րդ փառատօնը Երեւանի մէջ։ Ծրագիրը կ՚ընդգրկէ ողբերգութիւններու, կատակերգութիւններու, առաջնախաղերու եւ վաւերագրական ֆիլմերու բազմազան ընտրանի մը, որ կ՚արտացոլացնէ ժամանակակից ֆրանսալեզու շարժանկարի ամբողջ բազմազանութիւնը։

Ձեռնարկը կազմակերպած են Հայաստանի մէջ Ֆրանսայի դեսպանութիւնը եւ Հայաստանի ֆրանսական կաճառը համագործակցելով՝ Պելճիքայի, Զուիցերիոյ եւ Գանատայի դեսպանութիւններուն հետ։

Շարժանկարները կը ցուցադրուին «Մոսկուա» շարժանկարներու դահլիճներուն մէջ՝ հայերէն ենթագրերով։

Ծրագիրին ժամանակացոյցն ու շարժանկարները․

Շաբաթ, Մարտ 14-ին, ժամը 19:00-ին՝ «Ապագայի գալուստը», շարժադրիչ՝ Սետրիք Քլափիշ (Ֆրանսա, 2025), Կարմիր դահլիճ

Կիրակի, Մարտ 15-ին, ժամը 17:00-ին՝ «Մաքսանենգը», շարժադրիչ՝ Գարոլին Մոնէ (Գանատա, 2021), Կապոյտ դահլիճ

Երկուշաբթի, Մարտ 16-ին, ժամը 19:00-ին՝ «Ճիմի պատմութիւնը», շարժադրիչ՝ Առնօ եւ Ժան-Մարի Լարիօ (Ֆրանսա, 2024), Կապոյտ դահլիճ

Երեքշաբթի, Մարտ 17-ին, ժամը 19:00-ին՝ «Պորկօ», շարժադրիչ՝ Սթեֆան Տըմուսթիէ (Ֆրանսա, 2023), Կապոյտ դահլիճ

Չորեքշաբթի, Մարտ 18-ին, ժամը 19:00-ին՝ «Երիտասարդ մօր տունը», շարժադրիչ՝ Ժան-Փիեռ եւ Լիւք Տարտէն (Պելճիքա, 2025), Կարմիր դահլիճ

Հինգշաբթի, Մարտ 19-ին, ժամը 19:00-ին՝ «Շան դատավարութիւնը», շարժադրիչ՝ Լեթիսիա Տոշ (Զուիցերիա, 2024) Կապոյտ դահլիճ

Ուրբաթ, Մարտ 20-ին, ժամը 19:00-ին՝  «Օտարը», շարժադրիչ՝ Ֆրանսուա Օզոն (Ֆրանսա, 2025), Կարմիր դահլիճ

Շաբաթ, Մարտ 21-ին, ժամը 19:00-ին՝ «Յանուն Ադամի», շարժադրիչ՝ Լորա Վանտել (Պելճիքա, 2025), Կարմիր դահլիճ

Կիրակի, Մարտ 22-ին, ժամը 17:00-ին՝  «Անտառի երգը», շարժադրիչ՝ Վենսան Մունիէ (Ֆրանսա, 2025), Կարմիր դահլիճ։