Իրան կը մտահոգուի TRIPP ծրագրին ծիրէն ներս իր սահմաններուն մօտ ամերիկեան ներկայութեամբ

Հայաստանի մէջ Իրանի դեսպան Խալիլ Շիրղոլամի Երեւանի մէջ կայացած մամլոյ ասուլիսի մը ընթացքին յայտարարած է, որ հայ-իրանական յարաբերութիւններու օրակարգային կարեւոր հարցերէն է TRIPP ծրագրէն բխող վտանգներու կառավարումն ու հաւանական մարտահրաւէրներու չէզոքացումը:

Դես­պա­նը շեշ­տած է, որ Իրանի սահ­մաննե­րուն մեր­ձա­կայ­քը ամե­րիկա­ցինե­րու ներ­կա­յու­թեան վե­րաբե­րեալ իր երկրին մտա­հոգու­թիւնը խիստ արդար ու տրա­մաբա­նա­կան է, եւ անհրա­ժեշտ է այդ մտա­հոգու­թիւննե­րուն տալ յստակ պա­տաս­խաններ: Ան աւել­ցուցած է, որ Հա­յաս­տա­նի կա­ռավա­րու­թիւնը հա­ւաս­տած է, թէ այս ծրագ­րին գոր­ծադրումն ու Միացեալ Նա­հանգնե­րու ներ­կա­յու­թիւնը որե­ւէ սպառ­նա­լիք չեն ստեղ­ծեր Իրա­նի հա­մար:

Շիրղոլամի ընդգծած է այնպիսի գործիքակազմի մը ստեղծման կարեւորութիւնը, որ Հայաստանին թոյլ պիտի տայ օգտագործել ապաշրջափակման իր ամբողջ ներուժը՝ միեւնոյն ժամանակ կառավարելով ամերիկեան ներկայութեան հաւանական վտանգները: Ան նաեւ յայտնած է, որ կողմերը կը ձեռնարկեն քայլերու՝ ռազմավարական գործընկերութեան համապարփակ փաստաթուղթի մը ստորագրման ուղղութեամբ, որ նոր հորիզոններ պիտի բանայ քաղաքական, անվտանգութեան, պաշտպանական եւ տնտեսական մարզերէն ներս: