Թուրք պատմաբան Թաներ Աքչամ մտահոգութիւն յայտնած է Բերձորի միջանցքի խափանման եւ անոր հետեւանքով յառաջացած մարդասիրական ճգնաժամին կապակցութեամբ։ Ան Դիմագիրքի իր էջին յատկապէս գրած է.-
«Հայերը կը նշեն Սուրբ Ծնունդը։ Կը շնորհաւորեմ բոլոր հայ բարեկամներս՝ Սուրբ Ծնունդի օրուան առիթով։ Թող այս տօնը ամէնուս բերէ երջանկութիւն, խաղաղութիւն եւ լաւ օրեր:
Կ՚ուզեմ աւելցնել, որ մեր սիրտերն ու զգացումները Արցախի Հայերուն հետ են՝ իրենց համար այս շատ դժուար օրերուն։
Աւելի քան 120 000 հոգի կը գտնուի ազերպայճանական պաշարման մէջ՝ իր ապագայի հանդէպ անորոշութեան պայմաններու տակ։ Եւ աշխարհ, ցաւօք, կ՚անտեսէ մեր աչքին առջեւ կատարուող այս արարքները»։
