Թրքական «Միլլիէթ»-ի համաձայն՝ Թուրքիոյ եւ Ազերպայճանի Պաշտպանութեան նախարարները Կարսի մէջ հանդիպում ունեցած են՝ շարք մը երկիրներու հետ միատեղ ընթացող ձմեռնային ռազմափորձերու ընթացքին։

Իր թուրք պաշտօնակցին հետ հանդիպումին՝ Ազերպայճանի Պաշտպանութեան նախարար Զաքիր Հասանով նշած է, թէ յաջողութեամբ կ՚իրագործուին միացեալ ռազմափորձերը, որուն Ազերպայճանէն կը մասնակցին 70 զինուորներ եւ 23 զրահապատ սարքեր։

Ան ըսած է, թէ 2023-ին Թուրքիոյ հետ միասին տասնէ աւելի ռազմափորձեր նախատեսուած են։