ԱՐԺԱՆԹԻՆԱՀԱՅ ԿԵԱՆՔ. ԱՀ նախագահի Սփիւռքի հարցերու խորհրդականը հանդիպումներ ունեցած է արժանթինահայ համայնքի ներկայացուցիչներուն հետ

Արժանթին-1

Պաշտօնական այցով Հարաւային Ամերիկա գտնուող ԱՀ նախագահի Սփիւռքի հարցերու խորհրդական Ազատուհի Սիմոնեան Արժանթինի մէջ հանդիպումներ ունեցած է հայ համայնքի ներկայացուցիչներուն հետ։  

Ան Պուէնոս Այրէսի մէջ այցելած է հայկական կրթական եօթը հաստատութիւններէն չորսը՝ Ս. Գրիգոր Լուսաւորիչ, Մարի Մանուկեան, Խրիմեան, Վիսենթէ Լոփես վարժարանները։ 

“Այս վարժարաններում ուսանում են թէ՛ արժանթինցի թէ՛ հայ աշակերտներ։ Այստեղ օտարազգի սաները  սովորում են Հայոց լեզուն ու պատմութիւնը, ծանօթանում հայկական մշակոյթին: Հայ աշակերտների հետ զրոյցի ընթացքում նրանց հրաւիրեցի հայրենիք՝ Հայաստան ու Արցախ:

Պիտի ուրախութեամբ արձանագրեմ, որ Պուէնոս Այրէսի հայկական բոլոր կառոյցներում Արժանթինի եւ Հայաստանի դրօշների կողքին ծածանւում է նաեւ Արցախի դրօշը”,– «Արցախփրէս»-ին հաղորդած է Ա. Սիմոնեան, եւ աւելցուցած, թէ տեղւոյն Հայ կեդրոնին մէջ տեղի ունեցած հանդիպման աւարտին՝ Fruitfull Armenia հիմնադրամի նախագահ, «Զուարթնոց» միջազգային օդակայանի Հանրային կապերու պատասխանատու Քրիսթինա Շիրինեանին յանձնած է՝ ԱՀ Պետական նախարարի հրամանագրով արժանթինահայ ազգային բարերար Էտուարտօ Էռնեկեանի պարգեւատրման յուշամետալը։

© 2022 Բոլոր իրաւունքները վերապահուած են