Հայաստանի պասքէթպոլի հաւաքականը՝ Եւրոպայի փոքր երկիրներու ախոյեան 

պասքէթ

 

Մալթայի մէջ տեղի ունեցած Եւրոպայի փոքր երկիրներու պասքէթպոլի ախոյեանութեան մրցաշարքի աւարտական մրցումին՝ Հայաստանի ընտրանին 84-68 հաշուով պարտութեան մատնելով տանտէրերը՝ Մալթայի հաւաքականը՝ դարձած է Եւրոպայի ախոյեան:

Աւարտական այս մրցումին ամէնէն արդիւնաւէտ խաղացողը եղած է Հայաստանի ընտրանիին մաս կազմող Քրիս Ճոնսը, որ նշանակած է 41 կէտ:

Ռեքս Քալամեանի գլխաւորած Հայաստանի պասքէթպոլի հաւաքականը կէս-աւարտականին մրցած էր Անտորայի հաւաքականին հետ եւ 93-66 հաշուով յաղթանակ տարած։

Խմբային փուլին Հայաստանի ընտրանին նախ 100-63 հաշուով յաղթած էր Ճիպրալթարի հաւաքականին, ապա 78-66 հաշուով առաւելութեան հասած՝ Սան Մարինոյի խումբին նկատմամբ։

© 2022 Բոլոր իրաւունքները վերապահուած են