Ֆրանսայի քաղաքապետական ընտրութիւններուն՝ հայազգի յաղթական թեկնածուները

Մարտ 15-ին եւ 22-ին եր­կու փու­լով կա­յացած Ֆրան­սա­յի քա­ղաքա­պետա­կան ընտրու­թիւննե­րուն, ֆրան­սա­հայու­թիւնը վերստին ապա­ցու­ցեց իր աշ­խուժ քա­ղաքա­ցիական յանձնա­ռու­թիւնն ու քա­ղաքա­կան աճող կշիռ­քը։ Ֆրան­սա­յի ամ­բողջ տա­րած­քին, յատ­կա­պէս հա­յաշատ քա­ղաք­նե­րու մէջ, բազ­մա­թիւ հա­յազ­գի թեկ­նա­ծու­ներ յա­ջողե­ցան ապա­հովել քա­ղաքա­յին եւ թա­ղային աւա­գանիի աթոռ­ներ։ Հարկ է նշել սա­կայն, որ ստո­րեւ ներ­կա­յացուած ցան­կը բնաւ սպա­ռիչ չէ. ան պար­զա­պէս կը բաղ­կա­նայ մեր տե­սադաշ­տին մէջ յայտնուած եւ մա­մու­լի կող­մէ ար­ձա­նագ­րուած անուննե­րէն, որոնք կու գան վկա­յելու հա­մայնքին հպար­տա­ռիթ յա­ջողու­թիւննե­րուն մա­սին։

Եւ­րո­պայի ամէ­նէն մեծ հայ­կա­կան հա­մայնքնե­րէն մէ­կը ու­նե­ցող Մար­սի­լիա քա­ղաքին մէջ, ուր քա­ղաքա­յին խոր­հուրդի պաշ­տօ­նական կազ­մա­ւորու­մը տե­ղի պի­տի ու­նե­նայ այս Շա­բաթ օր, Պը­նուա Փա­յան վե­րընտրուեցաւ քա­ղաքա­պետի պաշ­տօ­նին: Ան իր կար­գին պի­տի նշա­նակէ քա­ղաքա­պետի տե­ղակալ­նե­րը՝ աւա­գանիի նո­րըն­տիր ան­դամնե­րու շար­քէն:

Մար­սի­լիոյ քա­ղաքա­յին խոր­հուրդի ընտրուած հա­յազ­գի ան­դամնե­րուն մէջ կը գտնուին Ազատ Պա­լալա­սը, Օտ­րէ Գա­թեանը, Եանիք Օհան­նէ­սեանն ու Ժիւ­լիէն Յա­րու­նեանը, որոնցմէ ոմանք հա­ւանա­բար ստանձնեն նաեւ քա­ղաքա­պետի տե­ղակա­լի պա­տաս­խա­նատու պաշ­տօններ:

Մար­սի­լիոյ թա­ղային մա­կար­դակնե­րուն վրայ եւս հայ­կա­կան ներ­կա­յու­թիւնը նկա­տելի է: 13-14-րդ թա­ղամա­սերուն մէջ խորհրդա­կան ընտրուած են Մա­նօ Պա­նոյեանն ու Րաֆ­ֆի Եալը­ճը: 2-րդ եւ 3-րդ թա­ղամա­սերուն մէջ աթոռ ապա­հոված է Օրե­լիէն Փը­թիժան-Լե­ւոնեանը, իսկ 9-րդ եւ 10-րդ թա­ղամա­սերուն մէջ որ­պէս ընդդի­մադիր խորհրդա­կան ընտրուած է Գրի­շա Մկրտի­չեանը:

Մար­սի­լիայէն ան­դին, հա­յազ­գի գոր­ծիչնե­րը յաղ­թա­նակ­ներ ար­ձա­նագ­րած են Ֆրան­սա­յի շարք մը այլ քա­ղաքա­պետա­րան­նե­րէն ներս.

• Ալ­ֆորվիլ. ընտրուած են Կա­րօ Խա­չիկեանը, Գրի­գոր Քոս­թի­քեանը, Արաքս Տէր Գէոր­գեանն ու Սթե­ֆանի Նէ­տէլեանը:

• Իսի-լէ-Մու­լի­նօ. աթոռ ապա­հոված է Ար­թիւր Խան­ճեանը:

• Ար­նուվիլ. ընտրուած են Մես­րոպ Ալ­թունեանը, Նեկ­տար Պա­լեանն ու Ռոզ-Մա­րի Ապու­սէ­ֆեանը:

• Լիոն. Ժագ Պա­լան­ճեան ընտրուած է թա­ղային խորհրդա­կան 3-րդ թա­ղամա­սին մէջ:

• Վիէն. Լեւոն Սաքունց ընտրուած է քաղաքապետութեան ցանկէն. խիստ հաւանական է, որ դառնայ առաջին փոխքաղաքապետ։

• Սէն-Մար­թէն-լը-Վի­նու. Քա­ղաքա­պետու­թեան մէջ աթոռ ապա­հոված է Անա­հիտ Մար­տի­րոսեանը:

• Նիս. ընտրուած է Ալեք­սանտր Սա­րաճեանը:

Այս ար­դիւնքնե­րը ցոյց կու տան ֆրան­սա­հայե­րու շա­րու­նա­կական ու եռան­դուն մաս­նակցու­թիւնը երկրի քա­ղաքա­կան եւ հան­րա­յին կեանքին՝ յատ­կապէս պատմականօրէն հայահոծ համայնքներ ունեցող շրջաններուն մէջ։