Գագիկ Ծառուկեանի փախուստի փորձն ու անոր դէմ յարուցուած քրէական գործը

Լրաս­փիւռնե­րու մէջ հրա­պարա­կուած տե­ղեկու­թիւննե­րուն հա­մաձայն, «Բար­գա­ւաճ Հա­յաս­տան» (ԲՀԿ) կու­սակցու­թեան առաջ­նորդ Գա­գիկ Ծա­ռու­կեան Յու­նիս 9-ին, փոր­ձած է «Զուարթ­նոց» օդա­կա­յա­նէն լքել Հա­յաս­տա­նի Հան­րա­պե­տու­թիւնը, սա­կայն իրա­ւապահ մար­մին­նե­րը ար­գի­լած են անոր մեկ­նումը։

Օդա­կայա­նէն Ծա­ռու­կեանի հա­ւանա­կան «փա­խուստին» լու­սանկար­նե­րը ար­դէն հրա­պարա­կուած են մա­մու­լին մէջ։ Յի­շեց­նենք, որ տա­կաւին քա­րոզար­շա­ւի ժա­մանակ, կան­խա­տեսե­լով նման հա­ւանա­կանու­թիւն մը, վար­չա­պետ Նի­կոլ Փա­շինեան բազ­միցս յայ­տա­րարած էր. «Պա­տերազ­մի եռագ­լուխ կու­սակցու­թեան առաջ­նորդնե­րը պի­տի երա­զեն Հա­յաս­տա­նէն փախ­չե­լու մա­սին, բայց պի­տի չկա­րենան»։

Արդա­րեւ, անոր դէմ քրէական հե­տապնդում յայ­տա­րարո­ւեցաւ։ Գլխա­ւոր դա­տախա­զու­թե­նէն յայտնած են, որ դա­տախա­զը հան­րա­յին քրէական հե­տա­պնդում յա­րու­ցած է «առանձնա­պէս մեծ չա­փերով տուրքե­րէ խու­սա­փելու» մե­ղադ­րանքով։ Առայժմ, այս մասին չկան յաւելեալ ման­րա­մաս­նութիւններ։