Մեքսիքայի մէջ շքեղ արարողութեամբ բացումը կատարուեցաւ «Մունտիալ-2026»-ին

Հինգշաբ­թի, Յու­նիս 11-ին, Մեք­սի­քայի մայ­րա­քաղա­քի «Ազ­թե­քա» մար­զա­դաշ­տին մէջ տե­ղի ու­նե­ցաւ ֆութպո­լի հա­մաշ­խարհա­յին 2026-ի բա­ժակի («Մունտիալ-2026») բաց­ման հան­դի­սաւոր արա­րողու­թիւնը։

Ձեռ­նարկը գրե­թէ ամ­բողջու­թեամբ կազ­մուած էր երաժշտա­կան կա­տարումնե­րէ. հան­դէս եկան լա­տինա­կան փոփ երաժշտու­թեան հա­մաշ­խարհա­յին աստղեր Շա­քիրան եւ Մա­լու­ման, օփե­րայի իտա­լացի հռչա­կաւոր եր­գիչ Անտրէա Պո­չել­լին ու Քիմ Էճէան։ Մրցա­շար­քին ոս­կեայ բա­ժակը մար­զա­դաշտ բե­րին ՖԻ­ՖԱ-ի նա­խագահ Ճա­նի Ին­ֆանթի­նօն եւ մեք­սի­քական ծա­գու­մով հո­լիվու­տեան աստղ Սել­մա Հա­յէքը։

Բաց­ման արա­րողու­թե­նէն ան­մի­ջապէս ետք, Ա. խմբա­կի ծի­րէն ներս տե­ղի ու­նե­ցաւ Հա­մաշ­խարհա­յին բա­ժակի անդրա­նիկ հան­դի­պու­մը՝ կազ­մա­կեր­պիչ Մեք­սի­քայի ու Հա­րաւա­յին Ափ­րի­կէի հա­ւաքա­կան­նե­րուն մի­ջեւ, որ աւար­տե­ցաւ դաշ­տի տէ­րերուն յաղ­թա­նակով՝ 2-0 ար­դիւնքով։

«Մունտիալ-2026»-ը պի­տի շա­րու­նա­կուի մին­չեւ Յու­լիս 19։ Պատ­մութեան մէջ առա­ջին ան­գամ ըլ­լա­լով՝ ան կը հա­մախմբէ 48 հա­ւաքա­կան­ներ, որոնք բաժ­նուած են 12 խմբակ­նե­րու։ Մրցա­շար­քը միաս­նա­բար կը կազ­մա­կեր­պեն երեք եր­կիրներ՝ Միացեալ Նա­հանգնե­րը, Գա­նատան եւ Մեք­սի­քան։ Աւար­տա­կան մեծ հան­դի­պու­մը պի­տի կա­յանայ Կի­րակի, Յու­լիս 19-ին, «Մեթ­Լայֆ» մար­զա­դաշ­տին մէջ (Նիւ Եորք / Նիւ Ճըրզի)։ ■