«Խաղաղութեան օրակարգի պահպանումը թոյլ կու տայ խուսափիլ նոր պատերազմէ» 

Վարչապետին ասուլիսին գլխաւոր շեշտադրումները

Վարչապետ Նի­կոլ Փա­շինեան Յու­նիս 11-ի իր ասու­լի­սին ըն­թացքին շեշ­տած է, որ Հա­յաս­տա­նի իշ­խա­նու­թիւննե­րը կը փա­փաքին պահ­պա­նել խա­ղաղու­թեան օրա­կար­գը, ինչ որ թոյլ կու տայ խու­սա­փիլ նոր պա­տերազ­մէ։ Ան հաս­տա­տած է, որ կա­ռավա­րու­թեան կազ­մին մէջ լայ­նա­ծաւալ փո­փոխու­թիւններ չեն սպա­սուիր եւ յոյս յայտնած է, որ Հա­յաս­տան-Թուրքիա եր­կա­թու­ղին կա­րելի եղա­ծին չափ շուտ պի­տի բա­ցուի։ Ըստ վար­չա­պետին՝ այնքան ատեն որ խա­ղաղու­թեան օրա­կար­գը կը յար­գուի, պա­տերազմ պի­տի չըլ­լայ։ Ան այս ծի­րէն ներս կա­րեւոր հա­մարած է TRIPP ծրագ­րին դե­րը, որ կ՚են­թադրէ եր­կա­թու­ղի­ներու եւ մայ­րուղի­ներու գոր­ծարկում։

Անդրա­դառ­նա­լով Ազեր­պայճա­նի հետ յա­րաբե­րու­թիւննե­րուն՝ վար­չա­պետը կոչ ուղղած է դրա­ցի երկրին՝ միասին աշ­խա­տելու ան­հե­տացած­նե­րու եւ գե­րինե­րու հար­ցե­րուն շուրջ։ 

Խօ­սելով ընտրա­կան գոր­ծընթաց­նե­րուն մա­սին՝ Փա­շինեան մե­ղադ­րած է ընդդի­մու­թիւնը ընտրա­կաշառք բաժ­նե­լու յան­ցանքով եւ պնդած, որ այդ գոր­ծով մե­ղաւոր­նե­րը պէտք է յայտնուին անա­զատու­թեան մէջ։

ՀԱՊԿ-ի եւ Ռու­սաստա­նի հետ կա­պուած հար­ցե­րուն անդրա­դառ­նա­լով եւ խօ­սելով կազ­մա­կեր­պութե­նէն հա­ւանա­կան հե­ռաց­ման մա­սին, ան նշած է, որ Հա­յաս­տան պար­զա­պէս ի գի­տու­թիւն պի­տի ըն­դունի ՀԱՊԿ-ի հա­մապա­տաս­խան որո­շու­մը, եթէ այդպի­սին ըլ­լայ։ Միաժա­մանակ, ան աւել­ցուցած է, որ Ռու­սաստան կ՚այ­ցե­լէ, եթէ հա­մապա­տաս­խան հրա­ւէր ստա­նայ։ 

Ինչ կը վե­րաբե­րի յա՛տկա­պէս ռու­սա­կան կա­զի սա­կագի­ներուն կտրուկ թան­կացման առնչուող մտա­վախու­թիւննե­րուն ու ռու­սա­կան շու­կա­յին վե­րաբե­րող տնտե­սական հար­ցե­րուն, վար­չա­պետը յոյս յայտնած է, որ պայ­մա­նագ­րա­յին պար­տա­ւորու­թիւննե­րը պի­տի ապա­հովուին՝ ընդգծե­լով նաեւ այ­լընտրան­քա­յին տար­բե­րակ­նե­րու դի­տարկման անհրա­ժեշ­տութիւնը։ ■