Ռուսաստան կ՚արգիլէ հայկական գիւղամթերքը, մինչ Հայաստան կը նուաճէ եւրոպական շուկաները

2026 Յու­նիս 12-էն  ի վեր, Ռու­սաս­տանի «Ռոս­սել­խոզ­նատ­զոր» ծա­ռայ­ու­թիւնը սկսած է սահ­մա­նա­փա­կել Հա­յաս­տա­նէն՝ մե­կու­սաց­ման են­թա­կայ (*) ապ­րանք­նե­րու նե­րա­ծու­մը, նոյ­ն­իսկ ռու­սա­կան տա­րած­քէն փո­խա­դ­րու­մը դէ­պի ԵԱՏՄ-ի եր­կիր­ներ։ Որո­շու­մը պատ­ճա­ռա­բա­նուած է հայ­կա­կան չոր­ցած լո­լիկին, դեղ­ձին եւ ըն­կոյզին մէջ վնա­սակար «գա­պ­րա» բզէ­զի յայտնա­բերու­մով, ինչ որ ըստ ռու­սա­կան կող­մին՝ ցոյց կու տայ Հա­յաս­տա­նի վե­րահսկո­ղու­թեան անար­դիւնա­ւէտու­թիւնը։

Մինչ Ռու­սաստան կը շա­րու­նա­կէ ար­գի­լել հայ­կա­կան ապ­րանքնե­րը, Հայաստանի Տնտե­սու­թեան նա­խարար Գէորգ Պա­պոյեան խորհրդա­րանին մէջ յայտնած է, որ հայ­կա­կան ար­դիական այ­գի­ներու եւ ջեր­մա­տու­նե­րու բեր­քը լիովին կը հա­մապա­տաս­խա­նէ եւ­րո­պական բարձրա­գոյն չա­փանիշ­նե­րուն։ Կա­ռավա­րու­թիւնը հա­տու­ցա­նելով փո­խադ­րա­կան եւ մաք­սա­յին ծախ­սե­րը, կ՚օգ­նէ յաղ­թա­հարե­լու դէ­պի նոր շու­կա­ներ աշ­խարհագ­րա­կան հե­ռաւո­րու­թեան խո­չըն­դո­տը։

Այս աջակ­ցութեան շնոր­հիւ, հայ­կա­կան ար­տադրան­քը ար­դէն յա­ջողու­թեամբ կ՚ար­տա­ծուի Վրաս­տան, Յու­նաստան, Ուքրաինա եւ Ղա­զախստան։ Ի պա­տաս­խան ռու­սա­կան ար­գելքնե­րուն՝ Եւ­րո­պական Միու­թիւնը Հա­յաս­տա­նին պի­տի յատ­կացնէ 50 մի­լիոն եւ­րօ՝ ար­տածման կա­րելիու­թիւննե­րը ընդլայ­նե­լու նպա­տակով։ Ար­դէն իսկ հայ­կա­կան ծա­ղիկ­ներ ար­տա­ծուած են Լաթ­վիա ու Նե­տեր­լանտներ, իսկ Յու­նի­սի վեր­ջա­ւորու­թեան ծի­րան պի­տի առա­քուի Լե­հաս­տան։ ■

______

(*) Մե­կու­սացման են­թա­կայ ապ­րանքնե­րը (produits mis en quarantaine) այն ապ­րան­քա­նիւ­թե­րը, հումքերն ու մթերքներն են, որոնք ար­տադրա­կան կամ առեւտրա­յին գոր­ծընթա­ցէն ժա­մանա­կաւո­րապէս կ՚առանձնա­ցուին։ Այս կան­խարգե­լիչ մե­կու­սա­ցու­մը կա­րելիու­թիւն կ՚ըն­ձե­ռէ ստու­գե­լու անոնց հա­մապա­տաս­խա­նու­թիւնը՝ նախ­քան օգ­տա­գոր­ծումը, վա­ճառ­քը կամ սպառումը։