Պատժամիջոցներու նոր ծրարին մէջ ընդգրկուած է նաեւ Կիրիլ պատրիարքը

Եւրոպա­կան յանձնա­ժողո­վը Ռու­սաստա­նի դէմ պատ­ժա­միջոց­նե­րու 21-րդ ծրա­րի նա­խագի­ծին մէջ ընդգրկած է նաեւ Ռուս ուղղա­փառ եկե­ղեց­ւոյ առաջ­նորդ Կի­րիլ պատ­րիար­քը։ Ցան­կին մէջ կան քա­ղաքա­կան գոր­ծիչ Վլա­տիմիր Մե­տինսքիի, պե­տական մեծ մար­միննե­րու եւ առեւտրա­յին ըն­կե­րու­թիւննե­րու ղե­կավար­նե­րու անուններ ան։

Փաս­տա­թուղթին մէջ Կի­րիլ պատ­րիար­քին ընդգրկու­մը կը բա­ցատ­րուի անով, որ հո­գեւոր առաջ­նորդը կ՚աջակ­ցի Ուքրաինա­յի մէջ ռու­սա­կան բա­նակի գոր­ծո­ղու­թիւննե­րուն, իսկ Վլա­տիմիր Մե­տինսքին կը նկա­տուի պե­տա­կան քա­րոզ­չու­թեան առանց­քա­յին դէմ­քե­րէն մէ­կը։

Ցան­կին մաս կը կազ­մեն բազ­մա­թիւ անուններ՝ տար­բեր մար­զա­ձեւե­րու դաշ­նակ­ցու­թեանց նախա­գահ­նե­րէն մին­չեւ գոր­ծա­րար­ներ, հե­ռատե­սիլի հա­ղոր­դա­վար­ներ, զի­նուորական­ներ… Իսկ իրա­ւաբա­նական ան­ձե­րու ցան­կին վրայ են Մոս­կուայի սա­կարա­նը, «Սիս­թե­մա» բաժ­նե­տիրա­կան ելեւմտա­կան ըն­կե­րու­թիւնը, «Ռոս­սելխոզ­պանք»-ը եւ «ՏՕՄ.ՌՖ» դրա­մատու­նը։

Ռու­սաստա­նի դէմ պատ­ժա­միջոց­նե­րու 21-րդ ծրա­րը ԵՄ-ը շրջա­նառու­թեան մէջ դրած է Յու­նիս 10-ին։ Փաս­տա­թուղթին նա­խագի­ծը Պրիւ­սէ­լի մէջ ներ­կա­յացու­ցած է Եւ­րո­պական յանձնա­ժողո­վի նա­խագահ Ուրսու­լա ֆոն տէր Լա­յէնը։ Պատ­ժա­միջոց­նե­րուն հա­մաձայն՝ պի­տի ար­գի­լուի Ուքրաինա՝ ռու­սա­կան ներ­խուժման բո­լոր մաս­նա­կից­նե­րուն մուտքը ԵՄ-ի տա­րածք, պատ­ժա­միջոց­ներ պի­տի սահ­մա­նուին Ռու­սաստա­նի մէջ գոր­ծող 31 դրա­մատու­նե­րու նկատ­մամբ։

Բա­ցի ատ­կէ՝ Եւ­րո­պական յանձնա­ժողո­վը կ՚առա­ջար­կէ ար­գի­լել շարք մը ապ­րանքա­տեսակ­նե­րու, որոնց շար­քին՝ ինքնա­շար­ժի պա­հես­տա­մա­սերու առաքումը Ռուսաստան։ ■