Թուրքիոյ եւ Իսրայէլի առաջնորդները կրկին ցեղասպանութեան մեղադրանքներ փոխանակած են

Թուրքիոյ նա­խագա­հը Իս­րա­յէլի վար­չա­պետը ամ­բաստա­նած է «Հիթ­լե­րի ճամ­բով ըն­թա­նալ»-ու մե­ղադ­րանքով։ Մինչ այդ ալ, Պե­նիամին Նե­թանիահուն յայ­տա­րարած էր, թէ Էր­տո­ղան «հա­կասե­մական բռնա­պետ մըն է, որ քիւրտե­րուն դէմ ցե­ղաս­պա­նու­թիւն գոր­ծած է»։

Իս­րա­յէլի եւ Թուրքիոյ մի­ջեւ յա­րաբե­րու­թիւննե­րը կտրուկ կեր­պով վատ­թա­րացած են 2023-ի Հոկ­տեմբե­րէն՝ Կա­զայի պա­տերազ­մէն ի վեր, եւ եր­կու կող­մե­րը պար­բե­րաբար իրա­րու հաս­ցէին ցե­ղաս­պա­նու­թեան մե­ղադ­րանքներ ու հրա­պարա­կային վի­րաւո­րանքներ կը հնչեց­նեն։

Այս վեր­ջին հե­ռակայ բա­նավէ­ճը բռնկած է Յու­նիս 10-ին, երբ Էր­տո­ղան յայ­տա­րարած է, որ Լի­բանա­նի եւ Սու­րիոյ մէջ Իս­րա­յէլի գոր­ծո­ղու­թիւննե­րը սպառ­նա­լիք են Թուրքիոյ անվտան­գութեան հա­մար։

Նե­թանիահու ան­մի­ջապէս հա­կադար­ձած է՝ յայ­տա­րարե­լով. “Հա­կասե­մական բռնա­պետ Էր­տո­ղան, որ ցե­ղաս­պա­նու­թիւն կը գոր­ծէ քիւրտե­րուն դէմ, կ՚աջակ­ցի «Հա­մաս» ահա­բեկ­չա­կան կազ­մա­կեր­պութեան, կը ճնշէ իր սե­փական ժո­ղովուրդը եւ կը բան­տարկէ քա­ղաքա­կան մրցա­կից­նե­րը, վեր­ջին մարդն է, որ կրնայ բա­րոյա­կանու­թեան դա­սեր տալ Իս­րա­յէլին”։

Իս­րա­յէլի վար­չա­պետը պնդած է նաեւ, թէ իր եր­կի­րը պի­տի շա­րու­նա­կէ «ու­ժա­յին գոր­ծո­ղու­թիւննե­րու ձեռ­նարկել Իրա­նի եւ անոր դաշ­նա­կից­նե­րուն դէմ, որոնք կը սպառ­նան Մեր­ձա­ւոր Արե­ւել­քին եւ ամ­բողջ աշ­խարհին»։ ■