Կոմիտասի արխիւները կը թուայնացուին 

Թանգարան-հիմնարկը նոր ծրագիր մը կը սկսի

Կոմիտաս Վար­դա­պետի հա­րուստ ար­խի­ւը մի­ջազ­գա­յին գի­տական ու մշա­կու­թա­յին հան­րութեան աւե­լի հա­սանե­լի դարձնե­լու նպա­տակով, Կո­միտա­սի թան­գա­րան-հիմ­նարկէն ներս պաշ­տօ­նապէս սկիզբ տրուեցաւ անոր ժա­ռան­գութեան թուայ­նացման ծրագ­րին։ Այս կա­րեւոր աշ­խա­տան­քը կ՚իրա­կանա­նայ Մի­ջազ­գա­յին գոր­ծա­րար կա­պերու աջակ­ցութեան խոր­հուրդին (IBRS Council) եւ թան­գա­րանին գոր­ծակցու­թեամբ։

Ծրագ­րի յա­ջողու­թեան մէջ առանցքա­յին դե­րակա­տարու­թիւն ու­նի հա­մաշ­խարհա­յին ճա­նաչում վա­յելող ֆի­նան­սա­կան խորհրդա­տու եւ «UBS Financial Services»-ի փոխ­նա­խագահ Մառք Չե­նեանը։ Անոր նուիրատ­ւութեամբ Լոն­տո­նէն ապա­հովուած է թուայ­նացման առա­ջին սար­քը, որ հիմք պի­տի ծա­ռայէ կո­միտա­սագի­տական թուային գի­տական շտե­մարա­նի ստեղծման։ Մի­ջոցառ­ման ըն­թացքին թան­գա­րանի տնօ­րէն Լու­սի­նէ Սա­հակեան եւ IBRS Council-ի նա­խագահ Մա­րիամ Մա­նու­կեան իրենց խո­րին երախ­տա­գիտու­թիւնը յայտնած են Չե­նեանին՝ ազ­գա­նուէր այս մեծ երա­զան­քը կեան­քի կո­չելու իր տես­լա­կանին հա­մար։

Իր կար­գին, Մարք Չե­նեան ընդգծած է, որ հայ ժո­ղովուրդը հսկա­յական ներդրում ու­նի հա­մաշ­խարհա­յին մշա­կոյ­թի զար­գացման մէջ, սա­կայն այդ ժա­ռան­գութիւ­նը բա­ւարար չա­փով ծա­նօթ չէ աշ­խարհին։ Ան յոյս յայտնած է, որ այս նա­խաձեռ­նութիւ­նը սկիզբն է միայն, եւ ապա­գային կեան­քի կը կո­չուի Կո­միտա­սի ժա­ռան­գութեան ամ­բողջա­կան թուային հար­թակ մը։ Այսպէ­սով՝ վար­դա­պետին գոր­ծը հա­սանե­լի կը դառ­նայ մի­ջազ­գա­յին ու­սումնա­սիրող­նե­րուն՝ Հա­յաս­տա­նը վերստին աշ­խարհին ներ­կա­յաց­նե­լով իբ­րեւ մշա­կու­թա­յին հա­րուստ ժա­ռան­գութիւն ու­նե­ցող երկիր։ ■