Մաքրոն շնորհաւորած է Փաշինեանը՝ ընտրութիւններուն տարած յաղթանակին առթիւ

Ֆրան­սա­յի նա­խագահ Էմա­նիւէլ Մաք­րոն X-ի (նախ­կին «Թուիթըր») իր էջով շնոր­հա­ւորած է Նի­կոլ Փա­շինեանը՝ խորհրդա­րանա­կան ընտրու­թիւննե­րուն անոր ղե­կավա­րած կու­սակցու­թեան ար­ձա­նագ­րած յա­ջողու­թեան առ­թիւ։

«Իմ ամե­նաջերմ շնոր­հա­ւորու­թիւններս, սի­րելի՛ Նի­կոլ Փա­շինեան, խորհրդա­րանա­կան ընտրու­թիւն­նե­րուն այս հա­մոզիչ յաղ­թա­նակին առ­թիւ։ Ու­րախ եմ քու կող­քիդ շա­րու­նա­կելու մեր սկսած աշ­խա­տան­քը՝ ա՛լ աւե­լի ամ­րապնդե­լու հա­մար մեր գոր­ծակցու­թիւնը՝ ի նպաստ մեր ժո­ղովուրդնե­րուն, սա­տարե­լու Հա­յաս­տա­նի խա­ղաղու­թեան ու ինք­նիշ­խա­նու­թեան եւ աջակ­ցե­լու Եւ­րո­պայի հետ մեր­ձեցման թա­փին»,– գրած է Մաք­րոն։

Թրամ­փի շնոր­հա­ւորու­թիւննե­րը

ԱՄՆ-ու նա­խագա­հը շնոր­հա­ւորած է Նի­կոլ Փա­շինեանը՝ «ընտրու­թիւննե­րուն տա­րած հա­մոզիչ յաղ­թա­նակին առ­թիւ»։

«Ես շատ հպարտ էի անոր վե­րընտրու­թեան աջակ­ցե­լով եւ կաս­կած չու­նիմ, որ անոր առաջ­նորդու­թեամբ գե­ղեցիկ Հա­յաս­տա­նը պի­տի հաս­նի մե­ծու­թեան ու յա­ջողու­թեան այնպի­սի մա­կար­դակ­նե­րու, որոնք պի­տի գե­րա­զան­ցեն բո­լորին ամե­նահա­մար­ձակ սպա­սումնե­րը»,– գրած է Թրամփ «Truth Social»-ի իր էջին վրայ։

Յու­նիս 7-ի խորհրդա­րանա­կան ընտրու­թիւննե­րուն «Քա­ղաքա­ցիական պայ­մա­նագիր»-ի յաղ­թա­նակին առ­թիւ՝ Հա­յաս­տա­նի վար­չա­պետին նա­խապէս իր շնոր­հա­ւորու­թիւննե­րը յայտնած էր նաեւ Միացեալ Նա­հանգնե­րու Ար­տա­քին գոր­ծոց նա­խարար Մար­քօ Ռու­պիօն։

Նա­խընտրա­կան շրջա­նին Միացեալ Նա­հանգնե­րու նա­խագա­հը իր լիակա­տար աջակ­ցութիւ­նը յայտնած էր Հա­յաս­տա­նի վար­չա­պետին։

Էր­տո­ղանի շնոր­հա­ւորու­թիւննե­րը

Թուրքիոյ նա­խագահ Ռե­ճեփ Թա­յիփ Էր­տո­ղան շնոր­հա­ւորա­կան ու­ղերձ յղած է վար­չա­պետ Նի­կոլ Փա­շինեանին՝ խորհրդա­րանա­կան ընտրու­թիւննե­րուն «Քա­ղաքա­ցիական պայ­մա­նագիր» կու­սակցու­թեան յաղ­թա­նակին առ­թիւ։

ՀՀ կա­ռավա­րու­թեան լրա­տուա­կան ծա­ռայու­թեան հա­մաձայն՝ ու­ղերձին մէջ նշուած է. «Ժո­ղովուրդիս եւ ան­ձամբ իմ անու­նովս սրտանց կը շնոր­հա­ւորեմ ձեզ՝ 2026 Յու­նիս 7-ին Հա­յաս­տա­նի Հան­րա­պետու­թեան մէջ կա­յացած խորհրդա­րանա­կան ընտրու­թիւննե­րուն ձեր գլխա­ւորած “Քա­ղա­քա­ցիական պայ­մա­նա­գիր” կու­սակցու­թեան ար­ձա­նագ­րած յաղ­թա­նակին առ­թիւ, եւ յա­ջողու­թիւն կը մաղ­թեմ եր­րորդ ան­գամ ըլ­լա­լով կա­ռավա­րու­թիւն կազ­մե­լու գոր­ծին մէջ։

Լիովին կը հա­ւատամ, որ տա­րածաշրջա­նին մէջ մնա­յուն խա­ղաղու­թեան ու կա­յու­նութեան հաս­տատման եւ այդ ուղղու­թեամբ անհրա­ժեշտ գոր­ծակցու­թեան ապա­հով­ման վե­րաբե­րեալ ձեր ռազ­մա­վարա­կան տես­լա­կանը յա­ջողու­թեամբ աւար­տին պի­տի հաս­նի»,– գրած է Էր­տո­ղան՝ Փա­շինեանին մաղ­թե­լով քա­ջառող­ջութիւն եւ բա­րեկե­ցու­թիւն, իսկ Հա­յաս­տա­նի ժո­ղովուրդին՝ բար­գա­ւաճում եւ եր­ջանկու­թիւն։

Փա­շինեանը շնոր­հա­ւորած են նաեւ բազ­մա­թիւ այլ ղե­կավար­ներ, ինչպէս Իրա­նի նա­խագա­հը, Եւ­րո­պական Միու­թեան բարձրաս­տի­ճան ներ­կա­յացու­ցիչներ, մի­ջազ­գա­յին գոր­ծընկեր­ներ եւ կա­ռոյցներ։ ■