Իրան առաջարկած է աւելցնել  Հայաստան արտածուող կազի ծաւալները

Հայաս­տա­նի Տա­րած­քա­յին կա­ռավար­ման եւ են­թա­կառոյցնե­րու նա­խարար Դա­ւիթ Խու­դա­թեան, Իրան կա­տարած իր այ­ցե­լու­թեան ծի­րէն ներս, հան­դի­պում ու­նե­ցած է Իրա­նի քա­րիւ­ղի նա­խարար Մոհ­սէն Փաք­նե­ժատի հետ. կը հա­ղոր­դէ «Mehr» լրա­տուա­կան գոր­ծա­կալու­թիւնը։

Իրան­ցի նա­խարա­րը, բարձր գնա­հա­տե­լով դժուարին պահերուն Հա­յաս­տա­նի ցու­ցա­բերած աջակ­ցու­թիւ­նը, վե­րա­հաստա­տած է Թեհ­րա­նի պատ­րաս­տա­կամու­թիւնը՝ իր կա­րելիու­թիւննե­րու սահման­նե­րուն մէջ խո­րաց­նե­լու հա­մագոր­ծակցու­թիւնը հիւ­սի­ս-արեւմտեան դրա­ցիին հետ։

Ան նշած է, որ եր­կու եր­կիրնե­րուն մի­ջեւ առ­կայ ու­ժա­նիւ­թա­յին գոր­ծընկե­րու­թիւնը հիմ­նուած է «կազ՝ ելեկ­տա­կանու­թեան դի­մաց» սկզբունքին վրայ։ Փաք­նե­ժատ յայտնած է, որ Իրան առա­ջար­կած է առեւտրա­յին նոր ձե­ւաչափ մը, որ կը մի­տի բնա­կան կա­զի ար­տածման ընդլայնման։

Ինչպէս կը հա­ղոր­դէ «Tasnim»-ը, նա­խարա­րը աւել­ցուցած է, թէ այս առա­ջար­կի գոր­ծադրու­թեան հա­մար անհրա­ժեշտ է հա­մակող­մա­նիօրէն ար­ժե­ւորել առ­կայ են­թա­կառույցնե­րը, ինչպէս նաեւ Հա­յաս­տա­նը իբ­րեւ տա­րածաշրջա­նային տա­րան­ցիկ մի­ջանցք օգ­տա­գոր­ծե­լով՝ քննել հայ­կա­կան շու­կա­յէն դուրս կա­զի առեւ­տուրի ընդլայնման նպա­տակա­յար­մա­րութիւնը։

Երեւանն ու Թեհրանը կը քննարկեն Արաքսի վրայ երկրորդ կամուրջի մը կառուցումը

Նախարար Խու­դա­թեան Իրան կա­տարած այ­ցի շրջա­նակին մէջ հան­դի­պում ու­նե­ցած է նաեւ Ճամ­բա­ներու եւ քա­ղաքա­շինու­թեան նա­խարար Ֆար­զա­նէ Սա­տեղի հետ։ Հանդիպման ընթացքին քննար­կուած է Արաքս գե­տին վրայ երկրորդ կա­մուրջի մը կա­ռուցման հար­ցը։ 

Կող­մե­րը հա­մաձայ­նած են քայ­լե­րու ձեռ­նարկել՝ եր­կու եր­կիրնե­րուն մի­ջեւ բեռ­նա­փոխադ­րումնե­րու ծա­ւալը աւելցնե­լու ուղղու­թեամբ՝ շեշ­տե­լով, որ նոր կա­մուրջը պի­տի բարձրաց­նէ փո­խադ­րա­կան ծա­ւալն ու նպաս­տէ տնտե­սական գոր­ծակցու­թեան զար­գացման։ Նա­խարար Խու­դա­թեան գո­հու­նա­կու­թեամբ ար­ձա­նագ­րած է նաեւ Քա­ջարան-Ագա­րակ ճամ­բա­հատուածի շի­նարա­րու­թեան յա­ռաջըն­թացը։ ■