Արցախի հիւանդանոցը ծանր վիճակի մէջ գտնուող քաղաքացիի մը կեանքը կարելի չէ եղած փրկել: Վերջինս չեն կրցած Երեւան փոխադրել, նկատի ունենալով որ 8 օրէ ի վեր փակ է Բերձորի միջանցքը։
Դեկտեմբեր 19-ի տուեալներով՝ Արցախի Հանրապետական հիւանդանոցին մէջ կը բուժուին 92 հիւանդներ, որոնցմէ 11-ը կը գտնուին վերակենդանացման բաժնին մէջ. անոնցմէ չորսին վիճակը ծայրայեղ ծանր է։
«Արեւիկ» մանկական բժշկական կեդրոնին մէջ ալ 12 նորածին կը բուժուի, որոնցմէ 4 ամսու փոքրիկի մը առողջական վիճակը ծայրայեղ ծանր է եւ անհրաժեշտ է որ ան անմիջապէս Երեւան փոխադրուի։
