Այս կապակցութեամբ Մեծի Տանն Կիլիկիոյ կաթողիկոսութեան արձագանգը.
«Արամ Ա. Վեհափառ Հայրապետը խոր ցաւով իմացաւ հայկական Եագուպիէ գիւղի հսկայ աւերներուն մասին, որոնց շարքին նաեւ, ցաւ ի սիրտ, պատմական Ս. Աննա եկեղեցին։
Վեհափառ Հայրապետը մնայուն կապի մէջ է Բերիոյ Հայոց թեմի առաջնորդ Գերշ. Տ. Մակար Եպս. Աշգարեանի եւ համայնքային պատասխանատուներու հետ եւ մօտէն կը հետեւի երկրաշարժին պատճառով դժուարութեան մատնուած մեր ժողովուրդի զաւակներու իրավիճակին։ Մեր պատասխանատուները յատուկ հոգածութիւն ու խնամք կը ցուցաբերեն եօթը կեդրոններու մէջ ապաստանած հայորդիներուն՝ հայթայթելով անոնց անհրաժեշտ կարիքները։ Այս առիթով հոգեւոր թէ աշխարհական համայնքի պատասխանատուները Նորին Ս. Օծութեան հաղորդեցին, թէ յատուկ յանձնախումբի ճամբով սկիզբ առած է վնասուած տուներու արձանագրութեան աշխատանքը»։
