Ազերպայճանի ԱԳՆ-ն պատասխանած է ՀՀ ԱԳՆ-ին

Ազերպայճանի ԱԳՆ

Պաքու իբրեւ թէ Մայիս 28-ին չէ խախտած հրադադարը

Ազերպայճանի Արտաքին գործոց նախարարութիւնը հրապարակած է յայտարարութիւն մը, ըսելով  որ իբրեւ թէ 2022 Մայիս 28-ին չէ խախտած հրադադարը։ Պաքու պնդած է, որ իր հասցէին Հայաստանի Արտաքին գործոց նախարարութեան մեղադրանքները հրադադարի ենթադրեալ խախտման վերաբերեալ «ապատեղեկատւութիւն են» (ընդգծումը՝ մեր կողմէ):

«Այն պահուն, երբ ջանքեր կը գործադրուին երկու երկիրներու յարաբերութիւնները կարգաւորելու ուղղութեամբ, հայկական կողմին “զրպարտիչ և ապակառուցողական” (ընդգծումը՝ մեր կողմէ) յայտարարութիւնները նպատակ ունին խարխլելու կարգաւորման ուղղութեամբ ձեռնարկուող քայլերը, ինչպէս նաև պետական սահմանազատման գործընթացը։

Հայաստանի Արտաքին գործոց նախարարութեան վերջին օրերուն ցուցաբերած “ապակառուցողական” (ընդգծումը՝ մեր կողմէ) մօտեցումը ակնյայտօրէն ուղղուած է Երեւանի եւ Պաքուի միջեւ յարաբերութիւններու կարգաւորման պրիւսէլեան հանդիպումներու արդիւնքներու խաթարման»,– նշուած է յայտարարութեան մէջ:

© 2022 Բոլոր իրաւունքները վերապահուած են