Թոքիոյի ողիմպիական խաղերու պրոնզէ մետալակիր, կռփամարտիկ Յովհաննէս Բաչկով Երեւանի մէջ աւարտին մօտեցող Եւրոպայի ախոյեանութեան 63,5 քկ. դասակարգի եզրափակիչին մենամարտած է Ֆրանսայի ներկայացուցիչ Լունես Համրաուիի հետ եւ երեք ռաունտին ալ ունենալով բացարձակ առաւելութիւն՝ տպաւորիչ յաղթանակ տարած է:

Այսպէսով, Բաչկով իր ասպարէզին մէջ երրորդ անգամ ըլլալով կը նուաճէ Եւրոպայի ախոյեանութիւնը:

Մինչ այդ ալ՝ 60 քկ. դասակարգի եզրափակիչին, փայլուն մենամարտ կատարած եւ Եւրոպայի ախոյեանի տիտղոսը նուաճած է Վրաստանը ներկայացնող ջաւախեցի կռփամարտիկ Արտիոմ Գոմցեան: ■