Ծնած է 44-օրեայ պատերազմին անհետացած հերոս Աշոտ Սարգսեանի քոյրը

Անհետացած զինուորի քոյրը

Լուսանկարի փոքրիկը Արեւիկն է, որ իր ծնունդով նոր յոյսի շողով լեցուցած է ընտանիքը։

Անոր 42-ամեայ մայրն ու 20-ամեայ քոյրը դժուար ու ցաւոտ ճանապարհ անցած են։ Ուժեղ եւ հզօր հայ կնոջ իսկական տիպարներ են անոնք։

Արեւիկի եղբայրը՝ Աշոտ Սարգսեան, 44-օրեայ պատերազմին մասնակցած է եւ մինչ օրս կը համարուի անհետացած։ Իսկ հայրը, փոքրիկին լոյս աշխարհ գալէն քանի մը ամիս առաջ մահացած է։

Փոքրիկը ծնած է «Շէնգաւիթ» բժշկական կեդրոնին մէջ։ Մանկաբարձ-կնախտաբանին վկայութեամբ, որ հետեւած է յղութեան շրջանին ալ, Արեւիկի մայրը երբեք չէ պատմած իր մեծ ու խոր վշտին մասին. իրենք տեղեկացած են հարազատներէն։

Արեւիկն ու մայրիկը արդէն տունն են` առողջ եւ պատրաստ՝ նոր կեանք սկսելու։

© 2022 Բոլոր իրաւունքները վերապահուած են