Հայաստանի մէջ գու­մա­րած իր 35-րդ Ընդհա­նուր ժո­ղովի աւարտին՝ ՀՅԴ Մարտ 6-ին հրա­պարա­կած է հե­տեւեալ յայ­տա­րարու­թիւնը. 

ՀՅԴ 35-րդ Ընդհա­նուր ժո­ղովը գու­մա­րուե­ցաւ Հա­յաս­տա­նի Հան­րա­պետու­թեան եւ ամ­բողջ հա­յու­թեան հա­մար աշ­խարհա­քաղա­քական եւ նե­րազ­գա­յին լուրջ մար­տահրա­ւէր­նե­րու, Ար­ցա­խի Հան­րա­պետու­թեան բռնագ­րաւման, Ար­ցա­խի մէջ տե­ղի ու­նե­ցած ցե­ղաս­պա­նու­թեան, Հա­յոց պե­տակա­նու­թեան դէմ ուղղո­ւած գո­յու­թե­նական սպառ­նա­լիք­նե­րու ժա­մանա­կահա­տուա­ծի մը մէջ։

Պա­տերազմնե­րով ու­ղեկցո­ւող հա­մաշ­խարհա­յին վե­րադա­սաւո­րումնե­րը, մի­ջազ­գա­յին կա­ռոյցնե­րու եւ մի­ջազգա­յին իրա­ւունքի, ինչպէս նաեւ զսպու­մի ար­դիւնա­ւէտ գոր­ծի­քակազ­մե­րու բա­ցակա­յու­թիւնը անվտան­գա­յին մար­տահրա­ւէր­ներ են Հա­յոց պե­տակա­նու­թեան գո­յատեւ­ման ու հայ­կա­կան հա­մայնքնե­րու կեն­սունա­կու­թեան հա­մար։

44-օրեայ պա­տերազ­մէն ետք տա­րածաշրջա­նէն ներս խախ­տո­ւած ռազ­մա­քաղա­քական հա­ւասա­րակշռու­թիւնը, Ազեր­պայճա­նի շա­րու­նա­կական ռազ­մա­տենչ նկրտումներն ու Հա­յաս­տա­նի իշ­խա­նու­թիւննե­րու որ­դեգրած խա­ղա­ղու­թեան կեղծ օրա­կար­գը անվտան­գա­յին նոր սպառ­նա­լիք­ներ կը ստեղ­ծեն։

Թէ՛ թուրք-ազեր­պայճա­նական եր­կեակի, թէ՛ ալ Հա­յաս­տա­նի վար­չա­խումբին հա­մար առաջ­նա­հերթ թի­րախ կը հան­դի­սանան ազ­գա­յին ինքնու­թե­նական ար­ժէքներն ու ազ­գա­յին գա­ղափա­րախօ­սու­թեան դա­ւանող ու­ժե­րը։

Հա­յաս­տա­նի անվտան­գա­յին եւ կա­ռավար­ման տագ­նա­պը, նե­րազ­գա­յին թշնա­մու­թիւն հրահ­րե­լու եւ Սփիւռքը պա­ռակ­տե­լու իշ­խա­նու­թեան քայ­լե­րը կը խո­րաց­նեն հան­րա­յին յու­սալքու­թիւնը։

Քննե­լով իրա­վիճա­կը, ՀՅԴ 35-րդ Ընդհա­նուր ժո­ղովը հաս­տա­տեց.

Մրցու­նակ, նոր որա­կի ազ­գա­յին պե­տու­թեան կա­ռու­ցումը եւ հայ­կա­կան ինքնու­թեան պահ­պա­նու­մը ՀՅԴ-ն կը հռչա­կէ ռազ­մա­վարա­կան նպա­տակ եւ կը յայ­տա­րարէ պայ­քա­րի վճռա­կան հանգրո­ւանի մա­սին։

Ըստ այդմ կը սահ­մա­նուին ռազ­մա­վարա­կան հե­տեւեալ առաջ­նա­հեր­թութիւննե­րը.

1 – Հա­յոց ան­կախ պե­տակա­նու­թեան հզօ­րացում, տա­րած­քա­յին ամ­բողջա­կանու­թեան եւ ինքնիշ­խա­նու­թեան վե­րականգնում, ժո­ղովրդա­վարա­կան, իրա­ւական, ըն­կե­րային պե­տու­թեան կեր­տում՝ Ան­կա­խու­թեան հռչա­կագ­րի տա­ռին ու ոգիին հա­մապա­տաս­խան,

2 – Ար­ցա­խի ազա­տագրման օրա­կար­գին շուրջ հա­մազ­գա­յին հա­մախմբում, մի­ջազ­գա­յին իրա­ւաքա­ղաքա­կան երաշ­խիքնե­րու գոր­ծադրու­մով՝ ար­ցա­խահա­յու­թեան հա­ւաքա­կան վե­րադար­ձի եւ հիմ­նա­կան միւս իրա­ւունքնե­րու իրա­կանա­ցում,

3 – Հա­յոց բա­նակի, պաշտպա­նու­թեան եւ անվտան­գութեան հա­մակար­գե­րու ամ­րապնդում,

4 – Հա­յոց ցե­ղաս­պա­նու­թեան մի­ջազ­գա­յին ճա­նաչ­ման եւ հա­տուցման իրա­ւունքի հե­տապնդում,

5 – Ազ­գա­յին եւ պե­տական շա­հերու վրայ կա­ռու­ցո­ւած, անվտան­գա­յին սպառ­նա­լիք­նե­րը յաղ­թա­հարող ար­տա­քին քա­ղաքա­կանու­թեան որ­դեգրում,

6 – Սփիւռքի կազ­մա­կեր­պա­կան հզօ­րացում, հա­մահայ­կա­կան օրա­կար­գե­րու շուրջ ազ­գա­յին եւ քա­ղաքա­կան հա­մախմբում։

Միաժա­մանակ, ՀՅԴ 35-րդ Ընդհա­նուր ժո­ղովը հաս­տա­տեց.

Հա­յաս­տա­նի իշ­խա­նու­թիւննե­րու որ­դեգրած ապազ­գա­յին եւ ապա­պետա­կան ըն­թացքը կա­սեց­նե­լու, հայ­րե­նիքի անվտան­գութիւ­նը երաշ­խա­ւորե­լու, կեն­սունակ հայ­կա­կան պե­տու­թիւն ու­նե­նալու, ըն­կե­րային ար­դա­րու­թիւն հաս­տա­տելու, նե­րազ­գա­յին հա­մապար­փակ տագ­նա­պը յաղ­թա­հարե­լու եւ ՀՅԴ ռազ­մա­վարա­կան նպա­տակ­նե­րը իրա­գոր­ծե­լու անհրա­ժեշտ պայ­մա­նը իշ­խա­նափո­խու­թիւնն է։

ՀՅ Դաշ­նակցու­թիւնը լի է վճռա­կանու­թեամբ եւ պատ­րաստ է պե­տակա­նու­թեան եւ ազ­գա­յին ինքնու­թեան պահ­պանման ու զար­գացման օրա­կար­գին շուրջ գո­յաց­նել հա­մազ­գա­յին հա­մախմբում։

2025 Մարտ 6, Ծաղկաձոր 

ՀՅԴ Բիւրոյի նոր կազմը

Աւելցնենք, թէ Մարտ 6-ին իր աշխատանքները աւարտած ՀՅԴ 35-րդ Ընդհանուր ժողովը ընտրած  է ՀՅԴ Բիւրոյի նոր կազմ.

Արմէն Ռուստամեան (Հայաստան), Լիլիթ Գալստեան (Հայաստան), Տարօն Տօնոյեան (Հայաստան), Արսէն Համբարձումեան (Հայաստան), Սեւան Դանիէլեան (Իրան), Խաժակ Մկրտչեան (ԱՄՆ), Տարօն Տէր-Խաչատուրեան (ԱՄՆ), Յովսէփ Տէր-Գէորգեան (Ֆրանսա), Մուրատ Փափազեան (Ֆրանսա), Յակոբ Բագրատունի (Լիբանան), Րաֆֆի Տօնապետեան (Գանատա):

ՀՅԴ նորընտիր Բիւրօն իր անդրանիկ նիստին ՀՅԴ Բիւրոյի ներկայացուցիչ ընտրած է Արմէն Ռուստամեանը։