Մայիս 4 — 5-ին Երեւանի մէջ պիտի կայանայ Հայաստան-ԵՄ անդրանիկ վեհաժողովը

Մայիս 4-5-ին Երե­ւանի մէջ պի­տի կա­յանայ Հա­յաս­տան-Եւ­րո­պական Միու­թիւն (ԵՄ) անդրա­նիկ վե­հաժո­ղովը, ուր Հա­յաս­տա­նը պի­տի ներ­կա­յաց­նէ վար­չա­պետ Նի­կոլ Փա­շինեանը, իսկ Եւ­րո­պական Միու­թիւնը՝ Եւ­րո­պական խոր­հուրդի նա­խագահ Ան­թո­նիու Քոշ­թան՝ Եւ­րո­պական յանձնա­ժողո­վի նա­խագահ Ուրսու­լա ֆոն տեր Լա­յէնի հետ միասին։

Վե­հաժո­ղովին ըն­դա­ռաջ՝ Քոշ­թան եւ ֆոն տեր Լա­յէնը պի­տի մաս­նակցին նաեւ Մա­յիս 4-ին Երե­ւանի մէջ տե­ղի ու­նե­նալիք Եւ­րո­պական քա­ղաքա­կան հա­մայնքի 8-րդ վե­հաժո­ղովին։

Ար­տա­քին Գոր­ծոց նա­խարա­րու­թեան լրա­տուա­կան վար­չութեան հա­ղոր­դագրու­թեան հա­մաձայն՝ Հա­յաս­տան-ԵՄ վե­հաժո­ղովի առանցքին պի­տի ըլ­լան երկկող­մա­նի յա­րաբե­րու­թիւննե­րու ամ­րապնդման, յատ­կա­պէս՝ տնտե­սու­թեան, ու­ժա­նիւ­թի, փո­խադ­րա­միջոց­նե­րու, թուային եւ մարդկա­յին շփումնե­րու մար­զե­րուն վե­րաբե­րող հար­ցե­րը։ Առաջ­նորդնե­րը նաեւ պի­տի քննար­կեն Հա­րաւա­յին Կով­կա­սի մէջ խա­ղաղու­թեան, անվտան­գութեան, փոխ­կա­պակ­ցուածու­թեան եւ բար­գա­ւաճ­ման ապա­հով­ման ուղղու­թեամբ ար­ձա­նագ­րուած յա­ռաջըն­թա­ցը, ինչպէս նաեւ ըն­թա­ցիկ հա­մաշ­խարհա­յին մար­տահրա­ւէր­նե­րը։

«Հա­յաս­տան-ԵՄ վե­հաժո­ղովը կը ցո­լաց­նէ վեր­ջին տա­րինե­րուն երկկող­մա­նի գոր­ծընկե­րու­թեան ան­նա­խադէպ վե­րել­քը։ Հա­յաս­տա­նի հետ ԵՄ-ի յա­րաբե­րու­թիւննե­րը հիմ­նուած են “Հա­մապար­փակ եւ ընդլայ­նուած գոր­ծընկե­րու­թեան հա­մաձայ­նա­գիր”-ին վրայ, որ ու­ժի մէջ մտած է 2021-ին, եւ “Հա­յաս­տան-ԵՄ գոր­ծընկե­րու­թեան ռազ­մա­վարա­կան օրա­կարգ” փաս­տա­թուղթին վրայ, որ ըն­դունուած է Դեկ­տեմբեր 2025-ին կա­յացած Հա­յաս­տան-ԵՄ գոր­ծընկե­րու­թեան խոր­հուրդի նիս­տին՝ Հա­յաս­տա­նի Ար­տա­քին գոր­ծոց նա­խարար Արա­րատ Միր­զո­յեանի, ԵՄ-ի Ար­տա­քին քա­ղաքա­կանու­թեան բարձրա­գոյն յանձնա­կատար Քա­յա Քալ­լա­սի եւ ԵՄ-ի ընդլայնման հար­ցե­րու յանձնա­կատար Մար­թա Քո­սի մաս­նակցու­թեամբ։ Եւ­րո­պական Միու­թիւնը Հա­յաս­տա­նի առանցքա­յին գոր­ծընկերն է բա­րեփո­խումնե­րու օրա­կար­գի, ինչպէս նաեւ առեւ­տուրի ու ներդրումնե­րու մար­զե­րուն մէջ»,– նշուած է պաշ­տօ­նական հա­ղոր­դագրու­թեան մէջ։ ■