Ուրսուլա ֆոն տէր Լայէն Յուլիսի սկիզբը նախ պիտի այցելէ Պաքու, ապա՝ Երեւան

Եւրոպա­կան յանձնա­ժողո­վի նա­խագահ Ուրսու­լա ֆոն տէր Լա­յէն Յու­լիս 1-ին պի­տի մեկ­նի Պա­քու, իսկ Յու­լիս 2-3-ին՝ Երե­ւան։

Նա­խապէս, «Politico» պար­բե­րակա­նը յայտնած էր, որ պա­տուի­րակու­թեան կազ­մին մէջ պի­տի ըլ­լայ նաեւ Եւ­րո­պական Միու­թեան ընդլայնման հար­ցե­րու յանձնա­կատար Մար­թա Քո­սը։

“Մենք կը տես­նենք, որ եր­կի­րը կը գտնուի Ռու­սաստա­նի կող­մէ բա­նեցուող ուժգին եւ հե­տեւո­ղական ճնշու­մի տակ. այս այ­ցե­լու­թիւնը աջակ­ցութեան զօ­րաւոր ազ­դանշան մը պի­տի հան­դի­սանայ՝ ի շա­րու­նա­կու­թիւն ար­դէն իսկ տրա­մադ­րուած գործնա­կան աջակ­ցութեան”,– «Politico»-ին յայտնած էր Եւ­րո­պական Միու­թեան պաշ­տօ­նատար մը, որ փա­փաքած էր գաղտնի պա­հել ինքնու­թիւնը։

Յի­շեց­նենք, որ վեր­ջերս Եւ­րո­պական Միու­թիւնը Հա­յաս­տա­նին 34 մի­լիոն եւ­րօ յատ­կա­ցուց՝ ռու­սա­կան սահ­մա­նափա­կումնե­րէն տու­ժած սե­փական հա­տուա­ծին աջակ­ցե­լու նպա­տակով։

Ուրսու­լա ֆոն տէր Լա­յէն ար­դէն Հա­յաս­տան ժա­մանած էր Մա­յիսին՝ մաս­նակցե­լու Եւ­րո­պական քա­ղաքա­կան հա­մայնքի 8-րդ վե­հաժողովին։ ■