Սիփան Կոմիտաս երգչախումբի հարիւրամեակի համերգը տեղի ունեցաւ Ուրբաթ, Մարտ 14-ին, Փարիզի նշանաւոր Սէն-Ռոք եկեղեցւոյ մէջ: Այս ձեռնարկը յարգանքի տուրք մատուցեց մաէսթրօ Կարպիս Ափրիկեանին՝ երգչախումբի նախկին ղեկավարին, որ մահացաւ 2024-ին։ Ան աւելի քան 50 երկար տարիներ  ղեկավարած էր երգչախումբը:

2023 Դեկտեմբերէն ի վեր, երգչախումբին երաժշտական եւ գեղարուեստական ղեկավարութիւնը ստանձնած է երաժշտահան, ջութակահար եւ խմբավար Դաւիթ Փիվազեան, որ ծնած է 1993-ին, Երեւան:

Համերգի ծրագիրը,– շատ հարուստ եւ մեծապէս որակաւոր,– բաղկացած էր հայկական ծիսական եւ աւանդական երգերու խառնուրդէ մը, գլխաւորաբար Կոմիտասի եւ Ափրիկեանի գործերը ներառող:

Առաջին մաս.

Մեծ հաճոյքով ունկնդրեցինք.

• Օրհներգ Կաթողիկոսին,
• Սիրտ իմ սասանի,
• Տէր ողորմեա՛,
• Կռունկ,
• Տլէ եաման,
• Գարուն ա,
• Երկնից-գետնից
• Ել, Ել,
• Չինար ես,
• Ալագեազ,
• Խնկի ծառ՝ Կոմիտասէն,
• Նոր ծաղիկ՝ Ներսէս Շնորհալիէն։

Երկրորդ մաս.

Ներկայ եղանք Սիփան-Կոմիտաս երգչախումբի բարձրագոյն որակի ելոյթին, ի յիշատակ իր առասպելական ղեկավարին՝ Կարպիս Ափրիկեանին:

Նախ, UniArt լա­րային քա­ռեակը (գե­ղարուես­տա­կան ղե­կավար՝ Մա­րիա Քրիս­թիանի), ընկերակցու­թեամբ մե­ներ­գիչներ Ան­նա Քա­սեանի, Ատամ Պա­րոյի, Ար­տա­ւազդ Սարգսեանի եւ դաշ­նա­կահա­րու­հի Էլի­զապէթ Քալ­ֆօղլուի, մեզի հրամցուց.

• Ալ Այլուղս
• Քելէ Քելէ
• Վաղարշապատի պարը՝ Կոմիտասէն,
• Գիշերային՝ Է. Պաղտասարեանէն, Մարիա Քրիսթիանիի ջութակի մենանուագով:

Յետոյ, երգչախումբը երգեց.

• Փոքր հարսանեկան շարք
• Օրօր (մեներգիչ Աննա Քասեան, սոփրանօ)
• Գիշերային լուսնակ անոյշ
• Մութն էր՝ Կարպիս Ափրիկեանէն,
• Կարմիր ծաղիկ մը գարունի՝ Միսաք Մեծարենց / Ռոբերտ Ամիրխանեանէն
• Գթա՛ Տէր՝ Ա. Յարութիւնեանէն:

Վերջապէս, իբրեւ պսակումը երեկոյթին, համերգը աւարտեցաւ Երեւանի քայլերգով՝ «Երեւան Էրեբունի»-ով (Է. Յովհաննիսեանի, Պարոյր Սեւակի խօսքերով), որ ընդունուած էր 2004-ին՝ նշելու համար քաղաքի 2750-րդ տարեդարձը:

Մեծ թիւով հանդիսականները այս վերջին գործը երգեցին երգչախումբին հետ եւ երկար վայրկեաններ յոտնկայս ծափահարեցին:

Այս համերգը անգամ մը եւս լուսարձակի տակ բերաւ հայկական երաժշտութեան հարստութիւնը:

Շանթ ՈՍԿԵՐԻՉԵԱՆ