«Սփիւռքի ազ­գա­յին զօ­րաշար­ժի խորհրդա­ժողո­վ»-ը աւար­տած է իր աշ­խա­տանքնե­րը

Հայ Յեղափոխական Դաշնակցութեան պաշտօնական կայքէջը՝ ARFD.am-ը Ապրիլ 12-ին հրապարակեց ստորեւ տրուած զեկոյցը, յայտարարելով որ «Սփիւռքի ազ­գա­յին զօ­րաշար­ժի խորհրդա­ժողո­վ»-ը աւարտած է իր աշխատանքները.

«Սփիւռքի ազ­գա­յին զօ­րաշար­ժի խորհրդա­ժողո­վը Փարիզի մէջ աւար­տեց իր աշ­խա­տանքնե­րը

Կի­րակի, 12 Ապ­րի­լին, իր աւար­տին հա­սաւ հա­մազ­գա­յին նպա­տակ­նե­րու շուրջ սփիւռքի զօ­րաշար­ժին եւ վե­րաշ­խուժաց­ման նո­ւիրո­ւած խորհրդա­ժողո­վը, որուն վեր­ջին նիս­տե­րը կեդ­րո­նացան ռազ­մա­վարա­կան առա­ջադ­րանքնե­րու եւ գործնա­կան քայ­լե­րու որ­դեգրման վրայ։

Խորհրդա­ժողո­վի չոր­րորդ նիս­տը, զոր վա­րեց ամե­րիկա­հայ հա­սարա­կական գոր­ծիչ, գոր­ծա­րար եւ կեն­սա­վեր­լուծա­բան Տոքթ. Մխի­թար Մու­րա­տեան, հա­մախմբեց մի­ջազ­գա­յին իրա­ւունքի, քա­ղաքա­կանու­թեան եւ մշա­կոյ­թի ոլորտնե­րու առա­ջատար մաս­նա­գէտ­ներ։

Նիս­տին Ֆրան­սա­յէն մաս­նակցե­ցաւ մի­ջազ­գա­յին իրա­ւունքի մաս­նա­գէտ, IODA նա­խաձեռ­նութեան ընդհա­նուր քար­տուղար եւ FIDH-ի նախ­կին քար­տուղար Տոքթ. Ռաֆ­ֆի Գալ­ֆա­յեան, որ անդրա­դար­ձաւ իրա­ւական հար­թակնե­րու վրայ հա­յու­թեան դա­տի հե­տապնդման հնա­րաւո­րու­թիւննե­րուն։ Անոր կող­քին, ԱՄՆ-էն փաս­տա­բան եւ Ար­ցա­խի ժո­ղովուրդի հիմ­նա­րար իրա­ւունքնե­րու պաշտպա­նու­թեան հար­ցե­րու յանձնա­խումբի ան­դամ Գառ­նիկ Գէր­քո­նեան ներ­կա­յացուց ար­ցա­խահա­յու­թեան իրա­ւունքնե­րու պաշտպա­նու­թեան ուղղու­թեամբ տա­րուող աշ­խա­տանքնե­րը, մինչ Պել­ճի­քայէն Եւ­րո­պայի Հայ Դա­տի Գրա­սենեակի նա­խագահ եւ «Europeans for Artsakh» նա­խաձեռ­նութեան հիմ­նա­դիր ան­դամ Գաս­պար Կա­րապե­տեան խօ­սեցաւ եւ­րո­պական քա­ղաքա­կան շրջա­նակ­նե­րէն ներս տա­րուող լո­պիիս­տա­կան աշ­խա­տանքնե­րուն մա­սին։ 

Նիս­տը եզ­րա­փակո­ւեցաւ UCLA-ի Հայ լե­զուի եւ մշա­կոյ­թի «Խա­չիկեան» ամ­բիոնի վա­րիչ Փրոֆ. Յա­կոբ Կիւլլիւ­ճեանի ելոյ­թով, որ շեշ­տեց ինքնու­թեան եւ մշա­կու­թա­յին զօ­րաշար­ժի կա­րեւո­րու­թիւնը։

Յա­ջոր­դիւ տե­ղի ու­նե­ցաւ խորհրդա­ժողո­վի ամ­փո­փիչ նիս­տը, որուն ըն­թացքին նա­խորդ բո­լոր նիս­տե­րուն չար­ծարծո­ւած նիւ­թերն ու ներ­կա­յացո­ւած նոր առա­ջարկնե­րը դրո­ւեցան ընդհա­նուր քննարկման։ ՀՅԴ Բիւ­րո­յի ան­դամ Տա­րօն Տէր Խա­չատու­րեանի հա­մադ­րո­ղու­թեամբ, ժո­ղովա­կան­նե­րը ձե­ւակեր­պե­ցին խորհրդա­ժողո­վի հիմ­նա­կան եզ­րա­յան­գումնե­րը եւ ճշդե­ցին յա­ռաջի­կայ քայ­լե­րուն ու­ղե­նիշը, նպա­տակ ու­նե­նալով ստեղ­ծել մնա­յուն եւ ազ­դու գոր­ծակցու­թեան դաշտ մը սփիւռքեան տար­բեր կա­ռոյցնե­րու մի­ջեւ:

Յայտնենք նաեւ, որ խորհրդա­ժողո­վը հան­դէս պի­տի գայ աշ­խարհաս­փիւռ հա­յու­թեան ուղղո­ւած յա­տուկ կոչ-յայ­տա­րարու­թեամբ մը, որուն պի­տի յա­ջոր­դեն քա­ղաքա­կան, տե­ղեկա­տուա­կան եւ հա­մայնքա­յին գործնա­կան նա­խաձեռ­նութիւններ»:

Վե­րեւ նշո­ւած «Կոչ-յայ­տա­րարու­թիւն»-ը՝ ստո­րեւ.

«Կոչ-յայտարարութիւն Սփիւռքի զօրաշարժի խորհրդաժողովի

Սփիւռքի ազ­գա­յին զօ­րաշար­ժի խորհրդա­ժողո­վը կա­յացաւ 11-12 Ապ­րիլ 2026-ին, Փա­րիզի մէջ, Հա­յաս­տա­նէն, Ար­ցա­խէն եւ Սփիւռքի 26 եր­կիրնե­րէ ժա­մանած աւե­լի քան 150 հե­ղինա­կաւոր մտա­ւորա­կան, քա­ղաքա­կան, հան­րա­յին եւ հա­մայնքա­յին գոր­ծիչնե­րու մաս­նակցու­թեամբ։

Խորհրդա­ժողո­վը հան­գա­մանօ­րէն քննեց հա­մազ­գա­յին մար­տահրա­ւէր­նե­րու եւ աշ­խարհա­քաղա­քական նոր իրո­ղու­թիւննե­րու պայ­մաննե­րուն մէջ Հա­յաս­տան-Սփիւռք յա­րաբե­րու­թիւննե­րուն ներ­կա­յիս պար­զած պատ­կե­րը եւ հա­մահայ­կա­կան օրա­կար­գե­րու շուրջ զօ­րաշար­ժի անհրա­ժեշ­տութիւ­նը։

Խորհրդա­ժողո­վի բաց­ման նիս­տին իրենց ող­ջոյնի խօս­քե­րը յղե­ցին Գա­րեգին Բ. եւ Արամ Ա. Վե­հափառ­նե­րը, Ար­ցա­խի Հան­րա­պետու­թեան խորհրդա­րանի նա­խագահ, Ար­ցա­խի Հան­րա­պետու­թեան նա­խագա­հի պաշ­տօ­նակա­տար Աշոտ Դա­նիէլեանը։ Խորհրդա­ժողո­վին յա­ջողու­թեան մաղ­թանք փո­խան­ցեց Հ.Յ.Դ. Բիւ­րո­յի ներ­կա­յացու­ցիչ Ար­մէն Ռուստա­մեանը:

Չորս կէ­տերէ բաղ­կա­ցած օրա­կար­գե­րուն շուրջ քննար­կումնե­րէ վերջ, խորհրդա­ժողո­վը կա­տարեց հա­մապա­տաս­խան հաս­տա­տումներ, ընդգծեց առաջ­նա­հեր­թութիւններն ու այդ ուղղու­թեամբ ձեռ­նարկո­ւելիք քայ­լե­րը։

Ա. ՍՓԻՒՌՔԻ ՌԱԶ­ՄԱ­ՎԱՐԱ­ԿԱՆ ԴԵ­ՐԸ ԵՒ ՔԱ­ՂԱՔԱ­ԿԱՆ ՕՐԱ­ԿԱՐ­ԳԸ

Սփիւռքի դե­րը հա­յու­թեան առ­ջեւ ծա­ռացած հիմ­նա­հար­ցե­րու լուծման մէջ ու­նի ռազ­մա­վարա­կան կա­րեւոր նշա­նակու­թիւն։ Այ­սօր, երբ հայ­կա­կան պե­տակա­նու­թիւնը կը գտնո­ւի անվտան­գա­յին լուրջ սպառ­նա­լիք­նե­րու առ­ջեւ եւ կը թի­րախա­ւորո­ւին ազ­գա­յին ինքնու­թեան հիմ­նա­սիւ­նե­րը, հրա­մայա­կան է ազ­գա­յին օրա­կար­գե­րու շուրջ հա­մահայ­կա­կան զօ­րաշար­ժը։

Ներ­կայ հանգրո­ւանին, Սփիւռքի քա­ղաքա­կան օրա­կար­գի առաջ­նա­հեր­թութիւններն են.

– Հա­յաս­տա­նի պե­տակա­նու­թեան հզօ­րացում. Հա­յաս­տա­նի Հան­րա­պետու­թեան հզօ­րաց­ման եւ անվտան­գութեան ամ­րապնդման ուղղո­ւած ծրագ­րա­յին հա­մապար­փակ ռազ­մա­վարու­թեան մշա­կում եւ գոր­ծադրում։

– Հա­յոց ցե­ղաս­պա­նու­թեան ճա­նաչում եւ հա­տու­ցում. հա­կառակ Հա­յաս­տա­նի ներ­կայ իշ­խա­նու­թիւննե­րու վա­րած քա­ղաքա­կանու­թեան, Ցե­ղաս­պա­նու­թեան մի­ջազ­գա­յին ճա­նաչ­ման եւ հա­տուցման գոր­ծընթա­ցը կը մնայ հրա­մայա­կան։

– Ար­ցա­խեան հիմ­նա­հարց. Ար­ցա­խի հար­ցը կը շա­րու­նա­կէ մնալ օրա­կար­գի վրայ՝ ընդգրկե­լով հե­տեւեալ գործնա­կան քայ­լե­րը.

 • Գե­րինե­րու ան­յա­պաղ ազատ ար­ձակման հար­ցի հե­տապնդում։

 • Ար­ցա­խի ժո­ղովուրդի իրա­ւունքնե­րու պաշտպա­նու­թիւն եւ հա­ւաքա­կան վե­րադար­ձի իրա­ւունքի մի­ջազ­գայնա­ցում։

 • Բռնագ­րա­ւուած Ար­ցա­խի հայ­կա­կան մշա­կու­թա­յին ժա­ռան­գութեան պաշտպա­նու­թիւն։

 • Ար­ցա­խի պե­տական կա­ռոյցնե­րու գոր­ծունէու­թեան լիար­ժէք աջակ­ցութիւն։

 • Ար­ցա­խի Հան­րա­պետու­թե­նէն բռնի տե­ղահա­նուած հայ­րե­նակից­նե­րու՝ ՀՀ-ի մէջ քա­ղաքա­ցիական իրա­ւունքնե­րու պաշտպա­նու­թեան եւ ըն­կե­րա-տնտե­սական խնդիր­նե­րու լուծման ուղղու­թեամբ աշ­խա­տանքներ։

Բ. ԱԶ­ԳԱ­ՅԻՆ ԱՐ­ԺԷՔՆԵ­ՐՈՒ ԵՒ ՀԱՅ ԵԿԵ­ՂԵՑ­ՒՈՅ ԴԵ­ՐԸ ՍՓԻՒՌՔԻ ՀԱՅ­ԿԱ­ԿԱՆ ԻՆՔՆՈՒ­ԹԵԱՆ ՊԱՀ­ՊԱՆՄԱՆ ՄԷՋ

Հայ­կա­կան ինքնու­թիւնը խարսխո­ւած է Հա­յոց պատ­մութեան, Հայց. եկե­ղեց­ւոյ, լե­զուի, մշա­կոյ­թի եւ ազ­գա­յին ար­ժէքնե­րու վրայ, որոնք սփիւռքա­հայու­թեան գո­յու­թեան հիմ­նա­կան յե­նասիւ­ներն են։ Ներ­կայ օր­հա­սական պայ­մաննե­րուն մէջ, Հայց. եկե­ղեցին, ինչպէս ան­ցեալին, այ­սօր եւս կը շա­րու­նա­կէ մնալ ոչ միայն հո­գեւոր խա­րիսխ, այլ նաեւ հայ ժո­ղովուրդի ազ­գա­յին եւ հո­գեւոր ինքնու­թեան հիմ­նա­քար։

Դա­տապար­տե­լով ՀՀ իշ­խա­նու­թիւննե­րու սան­ձա­զեր­ծած պայ­քա­րը հայ­կա­կան ար­ժէքնե­րու եւ Հայց. առա­քելա­կան եկե­ղեց­ւոյ դէմ՝ անհրա­ժեշտ է նկա­տի ու­նե­նալ հե­տեւեալ առաջ­նա­հեր­թութիւննե­րը.

– Դի­մադ­րութիւն. ազ­գա­յին ինքնու­թեան դէմ ուղղո­ւած որե­ւէ քայլ եւ գոր­ծո­ղու­թիւն պէտք է ար­ժա­նանայ կազ­մա­կեր­պո­ւած եւ միաս­նա­կան հա­կազ­դե­ցու­թեան։

– Հա­մախմբում. կան­խել պա­ռակ­տումը եւ ստեղ­ծել ամուր հա­մախմբում Եկե­ղեց­ւոյ շուրջ։

– Կրթու­թիւն եւ դաս­տիարա­կու­թիւն. ամ­րապնդել եւ ընդլայ­նել սփիւռքա­հայ կրթա­կան, մշա­կու­թա­յին ու հո­գեւոր հա­մակար­գը՝ ի խնդիր աւե­լի մեծ թի­ւով նոր սե­րունդնե­րու հա­յեցի ինքնու­թեան եւ դաս­տիարա­կու­թեան։ Նոր սե­րունդին մէջ պէտք է զար­գացնել ազ­գա­յին ընդհա­նուր շա­հերուն գի­տակ­ցե­լու ու ատոնց տի­րու­թիւն ընե­լու կամ­քը։

Գ. ՀԱ­ՅԱՍ­ՏԱՆ–ՍՓԻՒՌՔ ՅԱ­ՐԱԲԵ­ՐՈՒ­ԹԻՒՆՆԵ­ՐՈՒ ՀԻՄ­ՆԱ­ՀԱՐ­ՑԵՐ ԵՒ ՀՈ­ՐԻԶՈՆ­ՆԵՐ

Ազ­գա­յին ար­ժէ­քային հա­մակար­գը Հա­յաս­տա­նի Հան­րա­պետու­թեան եւ ամ­բողջ հայ ազ­գի ու­ժի հիմ­նա­կան աղ­բիւրն է: Զայն պէտք է հա­մարել Հա­յաս­տան-Սփիւռք յա­րաբե­րու­թիւննե­րու մշակ­ման եւ հա­մահայ­կա­կան օրա­կար­գի ան­փո­խարի­նելի հիմ­քը: 44-օրեայ, ինչպէս նաեւ Ար­ցա­խի վեր­ջին պա­տերազմնե­րէն եւ հա­յաթա­փու­մէն ետք, Հա­յաս­տա­նի իշ­խա­նու­թիւննե­րուն վա­րած քա­ղաքա­կանու­թիւնը սփիւռքա­հայու­թեան մէջ ստեղ­ծած է խոր հիաս­թա­փու­թիւն եւ յու­սա­խաբու­թիւն, որուն հե­տեւան­քով անոր մօտ կը նկա­տուին հայ­րե­նիքէն ներքնա­պէս հե­ռանա­լու մտա­հոգիչ մի­տումներ: Խիստ դա­տապար­տե­լի է ՀՀ ներ­կայ իշ­խա­նու­թիւննե­րուն կող­մէ՝ կազ­մա­կեր­պո­ւած Սփիւռքը ան­տե­սելու, պա­ռակ­տե­լու եւ հայ­րե­նիքին նկատ­մամբ անոր զօ­րակ­ցութիւ­նը ար­հա­մար­հե­լու վնա­սակար քա­ղաքա­կանու­թիւնը: Մտա­հոգիչ է նաեւ ՀՀ իշ­խա­նու­թիւննե­րու ձեռ­նա­ծալ մնա­լը՝ Մի­ջին Արե­ւել­քի գո­յու­թե­նական վտանգներ ապ­րող հայ­կա­կան գա­ղութնե­րուն նկատ­մամբ: Առ այդ, Հա­յաս­տան-Սփիւռք յա­րաբե­րու­թիւննե­րու առաջ­նա­հեր­թութիւններն են.

– Հա­յաս­տան-Սփիւռք ռազ­մա­վարա­կան գոր­ծակցու­թիւն. վե­րականգնել եւ որա­կական նոր մա­կար­դա­կի բարձրաց­նել հա­մակար­գա­յին (ինստի­տու­ցիոնալ) կա­պերը սփիւռքի հետ։

– Հա­մահայ­կա­կան կա­րողա­կանու­թեան եւ ցան­ցա­յին հնա­րաւո­րու­թիւննե­րու օգ­տա­գործման ար­դիւնա­ւէտ գոր­ծի­քակազ­մե­րու ստեղ­ծում. ապա­հովել Սփիւռքի մաս­նա­գիտա­կան մար­դուժի առա­ւելա­գոյն մաս­նակցու­թիւնը պե­տական զա­նազան նա­խագի­ծերու եւ օղակ­նե­րու մէջ՝ պա­տաս­խա­նատ­ւութիւններ ստանձնե­լու հե­ռան­կա­րով։

– Հա­յաս­տան-Սփիւռք միաս­նա­կան տա­րած­քի ձե­ւաւո­րում. քա­ղաքա­կան, դի­ւանա­գիտա­կան, տնտե­սական, գի­տական, ռազ­մարդիւ­նա­բերա­կան, տե­ղեկա­տուա­կան եւ կրթա-մշա­կու­թա­յին միաս­նա­կան քա­ղաքա­կանու­թեան մշա­կում եւ գոր­ծադրում։ Այս իմաս­տով, մեծ է սփիւռքի մաս­նա­գիտա­կան մար­դուժին դե­րը հայ­կա­կան փա­փուկ ու­ժի կի­րար­կումին մէջ։

– Արեւմտա­հայե­րէնը վտան­գո­ւած է. արեւմտա­հայե­րէնի պաշտպա­նու­թեան ու զար­գացման գոր­ծը կ՚են­թադրէ ոչ միայն Սփիւռքի, այլ նաեւ Հա­յաս­տա­նի Հան­րա­պետու­թեան ներ­գործօն դեր:

– Սփիւռքի դե­րակա­տարու­թեան բարձրա­ցում. մաս­նա­գիտա­կան քննար­կումի նիւթ դարձնել Հա­յաս­տա­նի Հան­րա­պետու­թեան պե­տական կա­ռավար­ման եւ հա­մահայ­կա­կան հար­ցե­րու հե­տապնդման մէջ սփիւռքա­հայու­թեան դե­րակա­տարու­թեան հնա­րաւոր տար­բե­րակ­նե­րը՝ հաս­նե­լու հա­մար հա­մազ­գա­յին հա­մախո­հու­թեան եւ ՀՀ-ի քա­ղաքա­կան հա­մակար­գէն ներս իրա­ւական լու­ծումնե­րու։

Դ. ՍՓԻՒՌՔԻ ԶՕ­ՐԱՇԱՐԺ ԵՒ ՎԵ­ՐԱՇ­ԽՈՒԺԱ­ՑՈՒՄ ՅԱ­ՆՈՒՆ ՀԱ­ՄԱԶ­ԳԱ­ՅԻՆ ՆՊԱ­ՏԱԿ­ՆԵ­ՐՈՒ

Հա­մահայ­կա­կան օրա­կար­գե­րու նկատ­մամբ Սփիւռքի միաս­նա­կանու­թեան, հզօ­րաց­ման եւ վե­րակազ­մա­կերպման անհրա­ժեշ­տութիւ­նը աներկ­բայ է:

Հրա­մայա­կան է սփիւռքա­հայու­թեան հա­մախմբու­մը հա­մազ­գա­յին նպա­տակ­նե­րու շուրջ, սփիւռքեան կա­ռոյցնե­րու եւ առ­հա­սարակ գոր­ծե­լակեր­պի ար­դիակա­նացու­մը, գա­ղութնե­րու մի­ջեւ ուղղա­կի հա­մագոր­ծակցու­թիւնը եւ նե­րու­ժի հե­տեւո­ղական ամ­րապնդու­մը:

Սփիւռքի վե­րակազ­մա­կերպման գոր­ծընթա­ցին մէջ յատ­կա­պէս կեն­սա­կան է երի­տասար­դութեան լիար­ժէք ներգրա­ւու­մը:

Սփիւռքի զօ­րաշար­ժը պէտք է կա­տարո­ւի ռազ­մա­վարա­կան ծրագ­րե­րու շուրջ՝ նկա­տի ու­նե­նալով հե­տեւեալ առաջ­նա­հեր­թութիւննե­րը.

– Աշ­խարհաս­փիւռ հայ ժո­ղովուրդի եւ Հա­յաս­տա­նի Հան­րա­պետու­թեան հզօ­րացում՝ իբ­րեւ մէկ ազ­գի եր­կու բա­ղադ­րա­մասեր։

– Ազ­գա­յին պե­տու­թիւն կեր­տե­լու գոր­ծընթա­ցի սա­տարում։

– Հայ Դա­տի եւ հա­մազ­գա­յին նպա­տակ­նե­րու հե­տապնդում:

Վե­րոն­շեալ հաս­տա­տումնե­րու եւ մատ­նանշո­ւած առաջ­նա­հեր­թու­թիւն­նե­րու լոյ­սին տակ Սփիւռքի ազ­գա­յին զօ­րաշար­ժի խորհրդա­ժողո­վը կը շեշ­տէ, որ ներ­կայ աշ­խարհա­քաղա­քական բարդ պայ­մաննե­րուն մէջ, Սփիւռ­քի կեն­սունա­կու­թիւնն ու հզօ­րու­թիւնը ան­քակտե­լիօրէն կա­պուած են մայր հայ­րե­նիքին։

Մեր միաս­նա­կանու­թիւնը պէտք է խարսխո­ւի յա­ւեր­ժա­կան ազ­գա­յին ար­ժէքնե­րու եւ պե­տակա­նու­թեան ամ­րապնդման տես­լա­կանին վրայ՝ իբ­րեւ հա­մընդհա­նուր օրա­կարգ։ Հա­յաս­տա­նի, Ար­ցա­խի եւ հայ ժո­ղովուրդի ազ­գա­յին-պե­տական շա­հերը եւ նպա­տակ­նե­րը ան­քակտե­լի են։

Մենք կը մեր­ժենք ՀՀ ներ­կայ իշ­խա­նու­թիւննե­րու որ­դեգրած պա­ռակ­տիչ եւ վա­նողա­կան մօ­տեցումնե­րը։

Փո­խարէ­նը, կոչ կ՚ուղղենք ստեղ­ծե­լու առողջ, հա­մակար­գո­ւած եւ հա­ւասա­րակշռո­ւած յա­րաբե­րու­թիւններ, որոնք միակ երաշ­խիքն են հզօ­րաց­նե­լու հայ ազ­գը եւ ան­սա­սան պա­հելու հայ­կա­կան պե­տակա­նու­թիւնը։ Հա­մազ­գա­յին պա­տաս­խա­նատ­ւութեան գի­տակ­ցութեամբ՝ մեր նե­րու­ժը պէտք է ծա­ռայէ բա­ցառա­պէս հա­մազ­գա­յին նպա­տակ­նե­րու՝ ապա­հովե­լով հա­յու­թեան անվտանգ եւ երաշ­խա­ւորո­ւած ապա­գան։

Այս նպա­տակով կ՚ընդգծենք ՀՀ բո­լոր քա­ղաքա­ցինե­րու,— ան­կախ իրենց գտնո­ւած վայ­րէն,— մաս­նակցու­թեան կա­րեւո­րու­թիւնը ՀՀ Ազ­գա­յին ժո­ղովի ընտրու­թիւննե­րուն, առ այդ կոչ կ՚ընենք, Հա­յաս­տա­նի Հան­րա­պետու­թեան բո­լոր քա­ղաքա­ցինե­րուն—նե­րառեալ ար­տերկիր գտնո­ւող­նե­րուն, իրենց մի­ջոց­նե­րով եր­թա­լու Հա­յաս­տան—մաս­նակցի­լու ընտրու­թիւննե­րուն։

Անհրա­ժեշ­տութիւն է փո­խել ՀՀ գոր­ծող իշ­խա­նու­թիւննե­րու ապազ­գա­յին ու­ղե­գիծը եւ հաս­տա­տել պե­տու­թեան զար­գացման ազ­գա­յին-պե­տա­կան ու­ղե­գիծ։

ՍՓԻՒՌՔԻ ԶՕ­ՐԱՇԱՐ­ԺԻ ԽՈՐՀՐԴԱ­ԺՈՂՈՎ»