Վերաբացուած է Պաղտատի Ս. Գրիգոր Լուսաւորիչ եկեղեցին

Դեկտեմ­բեր 20-ին, Սուրբ Ծննդեան տօ­նի նա­խաշե­մին, շուրջ մէկ տա­րի տե­ւած հիմ­նա­կան նո­րոգու­թե­նէ ետք, հան­դի­սաւոր կեր­պով տե­ղի ու­նե­ցած է Իրա­քի մայ­րա­քաղաք Պաղ­տա­տի առաջ­նորդա­նիստ Սուրբ Գրի­գոր Լու­սա­ւորիչ մայր եկե­ղեց­ւոյ վե­րաբաց­ման արա­րողու­թիւնը։

Գա­րեգին Բ. Ամե­նայն հա­յոց կա­թողի­կոսի հայ­րա­պետա­կան օրհնու­թեամբ եւ Իրա­քի Հա­յոց թե­մի առաջ­նորդ Օշա­կան եպիսկ. Գիւլգիւ­լեանի առաջ­նորդու­թեամբ իրա­կանա­ցած է եր­կար սպա­սուած բա­ցու­մը. հիմ­նո­վին նո­րոգուած Մայր եկե­ղեցին իր դռնե­րը բա­ցած է հա­ւատա­ցեալ ժո­ղովուրդին առ­ջեւ։ 

Եկե­ղեցին, որ կա­ռու­ցուած էր 1957-ին, իր գո­յու­թեան ըն­թացքին եր­բեք չէր են­թարկուած նման ծա­ւալուն եւ ընդգրկուն հիմ­նա­կան նո­րոգու­թեան։

Վե­րաբա­ցու­մի հան­դի­սու­թեան ներ­կայ եղած են նաեւ Իրա­քի վար­չա­պետ Մու­համմետ Շիա Սու­տա­նին, պե­տական անձնա­ւորու­թիւններ, քա­ղաքա­կան գոր­ծիչներ, քրիս­տո­նէական եկե­ղեցի­ներու պե­տեր եւ Իրա­քի մէջ ծա­ռայող հո­գեւո­րական­ներ։ Իրենց ներ­կա­յու­թեամբ արա­րողու­թիւնը պա­տուած են նաեւ Իրա­քի մէջ հա­ւատար­մագրուած շարք մը եր­կիրնե­րու դես­պաններ։