«Ռոսիա Սեկոտնիա» լրատու գործակալութեան տուած առցանց մամլոյ ասուլիսին, ԵԱՀԿ-ի մէջ Ռուսաստանի մնայուն ներկայացուցիչ Ալեքսանտր Լուքաշեւիչ յայտարարած է, թէ Մոսկուա մտահոգ է, որ Մինսքի խումբի համանախագահները ցարդ չեն կրցած Ղարաբաղ այցելել։ Լուրը հաղորդած է «Ռիա Նովոստի»-ն։
“Տարածաշրջան այցելելու մեր նպատակն է՝ ծանօթանալ իրավիճակին, յստակ քայլեր առնել` կողմերուն աջակցելու, մարդոց միջեւ շփումներ հաստատելու եւ մարդասիրական խնդիրները լուծելու համար”,– ըսած է ան:
Ռուս դիւանագէտը միաժամանակ յոյս յայտնած է, որ յառաջիկային համանախագահներու երրեակը, հակառակ բոլոր խոչընդոտներուն, կը յաջողի այցելել տարածաշրջան, ինչպէս նաև կը հաղորդակցի Հայաստանի և Ազէրպայճանի քաղաքական ղեկավարութեան հետ:
